影片
更多
2022-07-15
7563 瀏覽
今日放工嚟觀塘同friend食放題，依間好多人都鍾意食放題，人均消費二百幾蚊，款式多又可以任食，性價比好高。- 👍🏻環境：餐廳地方好大，自助區都分咗好多區域，座位多敢旺場，梳化座位好舒服，張枱都夠晒大。- 👍🏻餐牌款式多：包括刺身，壽司，手卷，燒物，串燒，炸物，鍋物，一品料理；自助區有各類冷熱飲，酒類，雪糕，甜品，熱食，凍海鮮…- 👍🏻衛生：整體乾淨衛生，自助區食物都有蓋蓋住，執枱同上菜都各自有不同職員負責。- 👍🏻服務：上菜同執枱速度都幾快，食物齊單，服務態度良好。壽司🍣：大細適中，可以試多將款唔同嘅壽司，特別欣賞卷物壽司，賣相相當精緻，配搭創新，係需要花心思製作嘅壽司❤️- 辣味三文魚卷，黑松露吞拿魚蓉卷，牛油果加洲卷：三款卷物都係下面加洲卷加上飯素，辣味三文魚酸酸辣辣好特別，吞拿魚蓉好幼滑，配上黑松露好夾，牛油果幼滑清新。- 芝士鰻魚玉子燒：炙燒芝士溶後配上鰻魚同玉子非常夾- 炙燒壽司都唔錯：蒜香牛肉火灸壽司，三文魚腩火炙壽司，牛油燒明太子熟帶子壽司，特別係炙燒後三文魚魚油香更重。手卷：迷你海膽手卷同三文魚籽手卷我encore左好多次，上碟時手卷嘅紫菜都仲係脆嘅，大細適中，一啖一件
- 👍🏻環境：餐廳地方好大，自助區都分咗好多區域，座位多敢旺場，梳化座位好舒服，張枱都夠晒大。
- 👍🏻餐牌款式多：包括刺身，壽司，手卷，燒物，串燒，炸物，鍋物，一品料理；自助區有各類冷熱飲，酒類，雪糕，甜品，熱食，凍海鮮…
- 👍🏻衛生：整體乾淨衛生，自助區食物都有蓋蓋住，執枱同上菜都各自有不同職員負責。
- 👍🏻服務：上菜同執枱速度都幾快，食物齊單，服務態度良好。
壽司🍣：大細適中，可以試多將款唔同嘅壽司，特別欣賞卷物壽司，賣相相當精緻，配搭創新，係需要花心思製作嘅壽司❤️
- 辣味三文魚卷，黑松露吞拿魚蓉卷，牛油果加洲卷：三款卷物都係下面加洲卷加上飯素，辣味三文魚酸酸辣辣好特別，吞拿魚蓉好幼滑，配上黑松露好夾，牛油果幼滑清新。
- 芝士鰻魚玉子燒：炙燒芝士溶後配上鰻魚同玉子非常夾
- 炙燒壽司都唔錯：蒜香牛肉火灸壽司，三文魚腩火炙壽司，牛油燒明太子熟帶子壽司，特別係炙燒後三文魚魚油香更重。
手卷：迷你海膽手卷同三文魚籽手卷我encore左好多次，上碟時手卷嘅紫菜都仲係脆嘅，大細適中，一啖一件，海膽鮮甜Creamy，三文魚籽卜卜脆，海水味濃。
燒物：
- 鹽燒海蝦🦐：呢款係我最鍾意食嘅，海蝦外殼燒到好香脆，配海鹽係絕配，蝦肉爽口彈牙，海鹽帶出鮮甜味
- 燒有機新鮮菠蘿🍍：酸酸甜甜，開胃消滯，十分juicy多汁
- 西京燒比目魚：外皮燒得好香脆，肉質嫩滑，醬汁好香濃，焦香味重
- 牛油翠玉瓜 ：每一次放題必叫，一來要食d菜解膩，好香牛油味，好熱好爽脆
- 鹽燒牛舌: 燒得幾香，咬落去肉質爽口不膩，又唔會太它，牛香味重，加咗椒鹽好惹味
炸物：外皮炸得酥脆，內裏餡料熱辣辣，我點咗北海道牛乳鮮奶卷&吉列炸蝦配蜜糖芥末醬。
一品料理及鍋物：全部上碟都熱辣辣，選擇都幾多
- 黃金炒海中蝦：金沙蝦好夠鑊氣，外面香脆，蛋黃味香濃，蝦肉爽口彈牙
- 殿堂宴客醉鮑魚：好大隻鮑魚，有少少酒味，爽口鮮甜
- 鐵板蜜汁蒜香牛柳粒：牛柳粒爽口唔韌，炒得幾香，如果加少少黑椒同薯仔會更惹味，醬汁有啲偏甜
- 壽喜燒牛肉鍋：呢個非常推薦，牛肉好嫩滑，壽喜燒湯底香濃，配上豆腐，蔬菜🥬同葛粉好正宗
張貼
