影片
更多
2022-05-12
38 瀏覽
📌 壹.01
📍 觀塘駿業街56號中海日升中心2樓D號舖☎ 53697868★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`觀塘新開咗間台式小店，主打蛋餅、便當同台式特飲。一路都想試不過又無乜藉口去觀塘。呢日約我一個八婆好朋友食飯，大家要一個地方坐下gossip下。佢喺觀塘番工，最啱就係約佢觀塘見，gossip d 八卦嘢同時試下新餐廳。餐廳喺中海日升中心2樓，門口好簡約，價錢都好大眾化。2:30pm後餐牌上嘅價錢再有9折同埋特飲做半價。便當嘅主食可揀魯肉、排骨、牛肉、手撕雞。價錢都係五六十蚊左右。另外仲有特盛便當、蛋餅、各式小食同飲品。QR Code 落單非常方便。💫溶岩蛋之戀（$39）呢個蛋餅入面包住芝士同火腿，上面唧咗我至愛嘅千島醬。雖然微溫，但芝士都略有拉絲好滿意！分量都好大，蛋餅都夠乾身煙韌，唔會濕滴滴。💫台北夜市小食拼盤（$36）同朋友傾計最啱就係有啲小食襯番，呢個小食拼盤吹水必選！拼盤包括台灣腸、花枝丸、鹽酥雞。三款小食都好啱食，一路食一路傾，無乜為意就KO 咗成盤小食！💫特盛紫菜排骨飯（$77）我貪心啲remar
☎ 53697868
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
觀塘新開咗間台式小店，主打蛋餅、便當同台式特飲。一路都想試不過又無乜藉口去觀塘。呢日約我一個八婆好朋友食飯，大家要一個地方坐下gossip下。佢喺觀塘番工，最啱就係約佢觀塘見，gossip d 八卦嘢同時試下新餐廳。
餐廳喺中海日升中心2樓，門口好簡約，價錢都好大眾化。2:30pm後餐牌上嘅價錢再有9折同埋特飲做半價。
便當嘅主食可揀魯肉、排骨、牛肉、手撕雞。價錢都係五六十蚊左右。另外仲有特盛便當、蛋餅、各式小食同飲品。QR Code 落單非常方便。
💫溶岩蛋之戀（$39）
呢個蛋餅入面包住芝士同火腿，上面唧咗我至愛嘅千島醬。雖然微溫，但芝士都略有拉絲好滿意！分量都好大，蛋餅都夠乾身煙韌，唔會濕滴滴。
💫台北夜市小食拼盤（$36）
同朋友傾計最啱就係有啲小食襯番，呢個小食拼盤吹水必選！拼盤包括台灣腸、花枝丸、鹽酥雞。三款小食都好啱食，一路食一路傾，無乜為意就KO 咗成盤小食！
💫特盛紫菜排骨飯（$77）
我貪心啲remark 咗要多蔥多紫菜，上枱時有種爆棚嘅視覺震撼！排骨極度大塊！咬落好酥脆唔乾，入面仲有兩隻鵪鶉蛋，適量嘅魯肉汁，花生、麵筋及西蘭花、翠玉瓜等配菜。材料非常豐富！
💫特盛薑蔥魯肉飯（$78）
朋友食呢個，魯肉入味，肥瘦適中，入面都有鵪鶉蛋同配菜，薑蔥加魯肉汁撈飯，真係想講句添飯丫唔該🤣。
💫黑糖鮮奶及黑糖鮮奶紅茶（各$28）
兩杯都多黑糖珍珠！奶亦好滑。茶嘅茶底都好濃。半價真係好抵飲！
店員們好熱情細心，仲滿面笑容，未食已經俾到我好warm 心情舒暢嘅感覺。服務態度💯分！
💛💛💛💛💛
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
張貼
