影片
更多
2020-07-01
9235 瀏覽
之前食過幾次Omakase，唔係開喺中環就係尖沙咀，估唔到而家觀塘區都有，呢間菊月町以小木屋外型座落喺觀塘工廠區嘅十字路口位，同Apm只有8分鐘距離左右~ 店舖裝修樸實，位處內街，帶俾人一種隱世嘅感覺！雖然係咁，但如果想食最好都係訂定位先，眼見當晚實係座無虛席！店舖呈L字形狀，有唔少貓貓擺設，其中一幅牆身貼滿酒標，好有日式小店feel~~一入門口係鐵板燒嘅位置，估唔到呢度雖然店舖細細但除左有壽司吧外仲要加埋個鐵板燒嘅位置，用盡每一方寸令客人有多一個角度去欣賞師傅唔同嘅手藝！鐵板燒位置上方嘅抽油煙機亦值得留意，冇噪音不特止，效能仲非常好，坐咗一晚都唔覺有任何油煙味，呢樣對我來講非常重要，因為一坐得唔舒服就好容易影響用膳嘅心情！ 鐵板燒嘅另一邊就係壽司刺身吧嘅位置，設有凍櫃將時令食材放好，另外仲有個木箱擺放準備比客人嘅食材，等食客可以品嚐食物合適嘅溫度，見到都流晒口水！而座位同座位之間亦都有層板隔開，確保食客食得安心！ 師傅用牛油果凍豆腐蕃茄配襯海葡萄展開序幕，微酸嘅蕃茄加埋爽脆嘅海葡萄，加埋凍豆腐同我最愛嘅牛油果，十分醒胃！ 然後就係刺身五點，有目張、白松貝、白蝦、黑鯛、仲有拖羅！魚蝦貝
店舖呈L字形狀，有唔少貓貓擺設，其中一幅牆身貼滿酒標，好有日式小店feel~~一入門口係鐵板燒嘅位置，估唔到呢度雖然店舖細細但除左有壽司吧外仲要加埋個鐵板燒嘅位置，用盡每一方寸令客人有多一個角度去欣賞師傅唔同嘅手藝！鐵板燒位置上方嘅抽油煙機亦值得留意，冇噪音不特止，效能仲非常好，坐咗一晚都唔覺有任何油煙味，呢樣對我來講非常重要，因為一坐得唔舒服就好容易影響用膳嘅心情！
鐵板燒嘅另一邊就係壽司刺身吧嘅位置，設有凍櫃將時令食材放好，另外仲有個木箱擺放準備比客人嘅食材，等食客可以品嚐食物合適嘅溫度，見到都流晒口水！而座位同座位之間亦都有層板隔開，確保食客食得安心！
師傅用牛油果凍豆腐蕃茄配襯海葡萄展開序幕，微酸嘅蕃茄加埋爽脆嘅海葡萄，加埋凍豆腐同我最愛嘅牛油果，十分醒胃！
然後就係刺身五點，有目張、白松貝、白蝦、黑鯛、仲有拖羅！魚蝦貝類樣樣有齊，分別配上青瓜醋、食用花瓣、醬油、蛋黃汁、紫蘇葉等等唔同醬汁同香草，可見廚師對食材配搭嘅心思！而且刺身切得透薄，碟上嘅花紋透過刺身亦能看見，師傅嘅刀工同手藝可見一班！
接著有鐵板燒金鯛同芝士龍蝦，兩款同樣出色，金鯛用半煎炸方式將魚鱗燒得香脆，芝士龍蝦極鮮甜爽彈！加埋濃厚芝士醬汁，回味無窮！呢度嘅魚湯亦做得十分出色，魚鮮味極濃，每呷一口盡是鮮甜味! 清清胃口之後，就開始食壽司五貫，由白身魚開始!牛鰍出邊較少食到，咬落感覺比較爽實，油脂適中；而當中我最愛嘅就係北海道白海膽，入口鮮甜味十足，而且超超超軟滑，一啖放入口再慢慢細嚼，非常creamy，凍凍地好似食軟雪糕咁!真係有種好幸福嘅感覺！
不得不提拖羅魚蓉手卷，師傅即場灸燒拖羅，將所有魚油滴在拖羅魚蓉上，再加上蔥花同脆米，包著紫菜送上!見到真係嘩一聲!咬落手卷油脂豐腴，每一口都係拖羅魚油，感覺好奢侈啊!!!
最後仲有時令嘅夕張蜜瓜做甜品，又甜又多汁，為晚飯畫上完美句號！
P.S.食Omakase，除咗品嚐食物新鮮度之外，亦著重師傅嘅手藝同溝通技巧，今晚面前嘅兩位師傅都非常專業，其中一位特別認真處理食材，上碟擺放所有食材都要非常細緻精準，另一位處理食物都非常出色，亦擅長同客人溝通，同之前遇過嘅師傅有啲唔同，除左一樣對各種食材亦都瞭如指掌外，同佢地傾計感覺更貼地!親和力更高!食完呢餐飯完全感受到佢哋嘅專業同埋熱情，成餐晚飯性價比非常之高！
張貼
