影片
更多
2023-01-18
37 瀏覽
間唔中都會想試吓多國菜，今次揀咗間環境裝修都好有格調嘅印度菜，入到去感覺恍如高級西餐廳，座位寬敞光線明亮，成餐體驗服務都好好。前菜薄脆片滲透香料味，尤其胡椒香氣特別出色，配搭面頭清新嘅蔬果粒，點上微酸薄荷醬，開胃之選。南印度烤帶子伴茄子菠蘿果醬帶子肉質厚實，煎得香口，底層墊咗啲富有牛油氣息嘅椰絲蓉配菜，加上帶點酸甜嘅茄子菠蘿果醬，好refreshing。酥炸菠菜配洋蔥蕃茄沙沙伴薄荷羅望子醬第一啖入口好驚喜，主角係用炸豆脆片包裹住嘅菠菜，完全唔會油膩，十分香口。面頭加咗酸甜乳酪同黑醋汁，另外仲有粒粒紅石榴，飽滿多汁又冇渣，仲有唔少嘅芝士碎，一口咬落去層次豐富好特別，友人大讚呢款菜式！蟹肉印度夾餅Taco鋪滿啖啖蟹肉絲，每件大約三啖左右嘅size，內裏加上洋蔥粒，外皮軟身，味道相對清新，做小食一流。古法炸魚手指完全唔係坊間嘅魚手指，超級多汁，肉質唔會柴，咬開一片片好細嫩，調味亦配合得宜，仲食到淡淡魚鮮，做得好出色。精選雜錦燒烤一個價錢可以試勻唔同碳烤種類，性價比不錯。當中包括雞肉、羊肉卷、魚肉、而最出色莫過於珍寶蝦，超級大條厚肉，味道醃製得剛剛好，酸辣到適中，有特色香料風味，食完經已好飽肚
間唔中都會想試吓多國菜，今次揀咗間環境裝修都好有格調嘅印度菜，入到去感覺恍如高級西餐廳，座位寬敞光線明亮，成餐體驗服務都好好。
前菜
薄脆片滲透香料味，尤其胡椒香氣特別出色，配搭面頭清新嘅蔬果粒，點上微酸薄荷醬，開胃之選。
南印度烤帶子伴茄子菠蘿果醬
帶子肉質厚實，煎得香口，底層墊咗啲富有牛油氣息嘅椰絲蓉配菜，加上帶點酸甜嘅茄子菠蘿果醬，好refreshing。
酥炸菠菜配洋蔥蕃茄沙沙伴薄荷羅望子醬
第一啖入口好驚喜，主角係用炸豆脆片包裹住嘅菠菜，完全唔會油膩，十分香口。面頭加咗酸甜乳酪同黑醋汁，另外仲有粒粒紅石榴，飽滿多汁又冇渣，仲有唔少嘅芝士碎，一口咬落去層次豐富好特別，友人大讚呢款菜式！
蟹肉印度夾餅
Taco鋪滿啖啖蟹肉絲，每件大約三啖左右嘅size，內裏加上洋蔥粒，外皮軟身，味道相對清新，做小食一流。
古法炸魚手指
完全唔係坊間嘅魚手指，超級多汁，肉質唔會柴，咬開一片片好細嫩，調味亦配合得宜，仲食到淡淡魚鮮，做得好出色。
精選雜錦燒烤
一個價錢可以試勻唔同碳烤種類，性價比不錯。當中包括雞肉、羊肉卷、魚肉、而最出色莫過於珍寶蝦，超級大條厚肉，味道醃製得剛剛好，酸辣到適中，有特色香料風味，食完經已好飽肚。
洋蔥紅茄香汁燴雞球
印度餐廳必食名選，雞肉份量好多，醬汁杰身濃郁，有點蕃茄香味同奶酪味，惹味得來唔會死鹹，用來點薄脆餅或者撈米飯都十分夾，推薦唔太食得辣嘅朋友可以試呢款。
張貼
