影片
更多
2021-06-23
32 瀏覽
之前喺長沙灣深水埗多數都係去cafe，今次就改變吓去食星馬菜。.招牌海南雞飯 配 迷你星洲叻沙 $75 🐓🍚+🍜呢個set份量十足，碗叻沙一啲都唔迷你！雞肉有雞味，肉質嫩滑帶少少油脂，蘸埋薑蓉黑豉油及辣椒汁，份外惹味！油飯粒粒分明夠乾身，比食開嘅要深色啲，味道亦更加豐富，有斑蘭葉、香茅和南薑嘅香味。叻沙湯頭濃稠，椰奶味香濃，唔會覺得好辣。油麵吸收湯頭精華，食落有濃濃嘅鮮味。.獅城芽菜走地雞飯 配 輕怡新加坡白胡椒肉骨茶 $78 🐓🍚+🍖走地雞肉明顯少啲油脂，肉質食落較結實富彈性，雞味亦更濃。油飯就同海南雞飯一樣，配埋芽菜，多咗份清爽嘅口感。肉骨茶係白胡椒口味，唔係一般嘅藥膳口味，湯頭清甜有淡淡嘅白胡椒香味，一字骨肉質都炆得夠軟腍。.順化炭燒豬肉串 加配+$18豬肉帶有油脂，炭燒後逼出油脂，外層烤得金黃焦香，口感嫩中帶Q。.小食孖寶(春卷+魚餅) 加配+$22 🫔+🐟鳳尾蝦春卷皮好似絲網咁好酥脆，蝦肉爽口。魚餅味道香濃，魚肉中混合檸檬葉香氣。.椰青 跟餐+$18 🥥原個椰青，清甜解渴。.恐龍美祿 跟餐+$9🥤可可味濃郁，啱晒我。.鮮油咖央多士 $22 🍞多士烘得金黃酥脆，夾住充滿椰香嘅咖
之前喺長沙灣深水埗多數都係去cafe，今次就改變吓去食星馬菜。
.
招牌海南雞飯 配 迷你星洲叻沙 $75 🐓🍚+🍜
呢個set份量十足，碗叻沙一啲都唔迷你！
雞肉有雞味，肉質嫩滑帶少少油脂，蘸埋薑蓉黑豉油及辣椒汁，份外惹味！油飯粒粒分明夠乾身，比食開嘅要深色啲，味道亦更加豐富，有斑蘭葉、香茅和南薑嘅香味。
叻沙湯頭濃稠，椰奶味香濃，唔會覺得好辣。油麵吸收湯頭精華，食落有濃濃嘅鮮味。
.
獅城芽菜走地雞飯 配 輕怡新加坡白胡椒肉骨茶 $78 🐓🍚+🍖
走地雞肉明顯少啲油脂，肉質食落較結實富彈性，雞味亦更濃。油飯就同海南雞飯一樣，配埋芽菜，多咗份清爽嘅口感。
肉骨茶係白胡椒口味，唔係一般嘅藥膳口味，湯頭清甜有淡淡嘅白胡椒香味，一字骨肉質都炆得夠軟腍。
.
順化炭燒豬肉串 加配+$18
豬肉帶有油脂，炭燒後逼出油脂，外層烤得金黃焦香，口感嫩中帶Q。
.
小食孖寶(春卷+魚餅) 加配+$22 🫔+🐟
鳳尾蝦春卷皮好似絲網咁好酥脆，蝦肉爽口。魚餅味道香濃，魚肉中混合檸檬葉香氣。
.
椰青 跟餐+$18 🥥
原個椰青，清甜解渴。
.
恐龍美祿 跟餐+$9🥤
可可味濃郁，啱晒我。
.
鮮油咖央多士 $22 🍞
多士烘得金黃酥脆，夾住充滿椰香嘅咖央醬，再加一塊厚厚嘅半融牛油，十分邪惡。
.
總括而言：佢哋嘅招牌雞飯真係幾好食，而且食物份量十足，價錢又親民，值得推介。小食同樣出色，餐廳仲有其他特色星馬菜式，下次再去試吓！
張貼
