影片
更多
2025-05-27
286 瀏覽
今日同老公去九龍灣探朋友，之後就到德福廣場食晚飯。朋友推介，叫我哋食泰國嘢，價錢親民，餐廳係泰國人主理，正宗泰國菜。餐廳空間大，裝修以泰國風情為主，座位寬落，坐得舒服。餐牌選擇幾多，同埋有D item做緊promo，整體價錢都幾抵。老公發辦叫左兩款小食，一個主食，一個飯，另外兩杯飲品。手包春卷：春卷剛炸起，熱辣辣，好脆口。裡面有香菜、紅蘿蔔、木耳同粉絲等配料，點埋醬，酸酸甜甜，仲好食。沙爹串燒 (半打)：牛同雞各3串，串燒每串份量都好大塊，帶焦香味，兩款都燒到標油，好juicy，好味道。清邁鐵板蠔仔蛋：蠔仔勁大隻，份量多，每口都食到蠔仔，同埋好香雞蛋味。底層鋪左洋蔥，咁就唔驚燶同痴底，另外用鐵板上，食到最後都唔會凍晒，幾好。泰式海南雞飯：係無骨海南雞，雞肉嫩滑，油飯夠香，旁邊配左青瓜，好清爽。飲品：老公食泰國嘢必叫凍泰式奶茶，佢話奶味重，口感幼滑，叫左少冰少甜，味道剛剛好。我就叫左柑桔青檸，少少凍柑桔味，青檸味濃，酸may may，冰凍消滯。 甜品：免費贈送，仲要係我鐘意食嘅椰汁千層糕同椰汁西米糕，好驚喜。兩款甜品椰汁味重，唔太甜，絕對係泰國風味，食完好飽好滿足。
餐廳空間大，裝修以泰國風情為主，座位寬落，坐得舒服。
餐牌選擇幾多，同埋有D item做緊promo，整體價錢都幾抵。老公發辦叫左兩款小食，一個主食，一個飯，另外兩杯飲品。
手包春卷：春卷剛炸起，熱辣辣，好脆口。裡面有香菜、紅蘿蔔、木耳同粉絲等配料，點埋醬，酸酸甜甜，仲好食。
沙爹串燒 (半打)：牛同雞各3串，串燒每串份量都好大塊，帶焦香味，兩款都燒到標油，好juicy，好味道。
清邁鐵板蠔仔蛋：蠔仔勁大隻，份量多，每口都食到蠔仔，同埋好香雞蛋味。底層鋪左洋蔥，咁就唔驚燶同痴底，另外用鐵板上，食到最後都唔會凍晒，幾好。
泰式海南雞飯：係無骨海南雞，雞肉嫩滑，油飯夠香，旁邊配左青瓜，好清爽。
飲品：老公食泰國嘢必叫凍泰式奶茶，佢話奶味重，口感幼滑，叫左少冰少甜，味道剛剛好。我就叫左柑桔青檸，少少凍柑桔味，青檸味濃，酸may may，冰凍消滯。 
甜品：免費贈送，仲要係我鐘意食嘅椰汁千層糕同椰汁西米糕，好驚喜。兩款甜品椰汁味重，唔太甜，絕對係泰國風味，食完好飽好滿足。
張貼
