酒鍋 (V Point) (已結業)

朋友推介呢間～酒鍋！話說可以邊食邊飽覽維港高空景色，係閒聊相聚的好地方👍🏻！咁吸引當然要試試😊！呢度嘅食物擺盤和造型，絕對係賣相一流，今次點了呢個酒入火鍋，五格鍋～有齊蕃茄波士頓龍蝦鍋、清湯蘿蔔牛腩、四川麻辣、潮州沙嗲，而最吸晴就當然係木瓜鍋👍🏻👍🏻 下酒再點火令湯底蝦味更鮮，木瓜又夠甜，淥蔬菜🥬一流！🐮本地手切肥牛～擺盤已經好霸氣，牛肉色澤紅潤，質素好好，油花分佈平均，食落好嫩👍🏻！🐧開心小企鵝～造型十分可愛，以墨魚製成，好彈牙👍🏻👍🏻！🍜三色鮮制生麵～十分健康，以菠菜、甘荀和墨汁製成，色彩繽紛，麵質入口爽口，食得出材料味道👍🏻！🥚洋蔥豬肉蝦蛋餃～蛋皮好薄，加咗洋蔥好有口感，不用沾任何醬料，已經好夠味😋！而其他食材，新鮮之餘亦好精緻，打卡賣相同樣一流！