影片
更多
2025-06-20
288 瀏覽
第一次約女朋友屋企人 食飯，諗食咩 真係諗到頭都爆！要搵間環境得體、但又唔會太老土、餸菜又要穩陣唔可以出事嘅……最後揀咗K11 Musea呢間「鏞鏞藝嚐館」，事後證明，呢個決定堅係明智Book位時講明係重要飯局，餐廳安排個近窗位，私隱度高啲，又可以見到維港夜景。點菜方面我做足功課，全部揀安全牌：頭盤叫返個「松花皮蛋配酸薑」，正正常常，皮蛋溏心，世伯幾鍾意。湯就揀「瑤柱竹笙花菇湯」，夠晒清潤，料頭都足，伯友表情令我即刻心都定埋。主菜有「露筍油泡星斑球」，星斑球啖啖肉又冇骨，方便食，炒得夠滑。再加個「中式生煎牛仔柳」，牛仔柳好腍，個汁酸酸甜甜。甜品叫「生磨蛋白杏仁茶」，夠香滑，唔會太甜，作為結尾好圓滿。成餐飯有驚無險，多得啲嘢食高質，味道恰到好處，服務都好好，侍應好有眼力，如果有重要飯局，呢度絕對係一個唔會失禮嘅選擇。
Book位時講明係重要飯局，餐廳安排個近窗位，私隱度高啲，又可以見到維港夜景。點菜方面我做足功課，全部揀安全牌：
頭盤叫返個「松花皮蛋配酸薑」，正正常常，皮蛋溏心，世伯幾鍾意。湯就揀「瑤柱竹笙花菇湯」，夠晒清潤，料頭都足，伯友表情令我即刻心都定埋。主菜有「露筍油泡星斑球」，星斑球啖啖肉又冇骨，方便食，炒得夠滑。再加個「中式生煎牛仔柳」，牛仔柳好腍，個汁酸酸甜甜。甜品叫「生磨蛋白杏仁茶」，夠香滑，唔會太甜，作為結尾好圓滿。
成餐飯有驚無險，多得啲嘢食高質，味道恰到好處，服務都好好，侍應好有眼力，如果有重要飯局，呢度絕對係一個唔會失禮嘅選擇。
張貼