鏞鏞．藝嚐館

營業中

休息中

今晚天氣不是很熱，所以選坐在在室外，原來個景勁靚，仲要睇到幻彩詠香江！去到鏞記怎能不吃燒鵝，真的美味！不肥而且肉質嫩口，加上特制醬汁，一定要試！因為想吃到清淡，選了桂花蟹肉炒粉絲及杞子竹笙浸菜遠，味道很好及很足料！甜品叫了大白兔糖奶凍及甜桔豆楓葉酥，大白兔奶凍打咭一流，但味道則是桔豆酥勝一籌。最值得讚是服務十分好，待應經常帮我們斟茶。雖然室外只有一至兩枱的客人，但待應很貼心，經常出來看我們有沒有其他需要。

傳說中鏞記嘅年輕版，最適合想嚟影相打卡又想品嘗鏞記手藝嘅食客！佢哋嘅露台影相超好feel，好多遊客都嚟呢度影，我哋點咗杯Bohemian Garden，本來霖住攞嚟擺post影相嘅，結果竟然味道都唔錯！燒鵝基本係每張台都會點，味道唔錯，畢竟真係一分錢一分貨，店員服務跟得幾好，基本係有求必應，總之係可以嚟二次打卡嘅寶藏店！

朋友推薦我嚟一定要試下佢哋嘅“手卷雪茄“，其實就係類似春卷咁嘅點心，不得不說真係外形整得同雪茄一模一樣，好佩服師傅們嘅心思燒鵝還好，對得住個價，嚟到鏞鏞當然係一路食住燒鵝吹水，一路欣賞出面嘅靚景

餐廳位置係K11商場嘅頂樓露台，如果上錯電梯嘅話都幾難搵。嚟得鏞鏞當然係慕名佢嘅招牌燒鵝啦，事實證明果然冇令我失望，好好味，肉質嫩滑又唔肥，頂級燒鵝莫過於此！大廳位置都好寬敞，服務態度都唔錯，基本有求必應，齋環境其實已經係值回票價

雖然呢度話係鏞記嘅年輕副線，不過依然係可以食到鏞記嘅招牌菜！班腩煲係我好喜歡嘅一道菜，所以係mune見到即刻諗都唔諗就點咗，班腩火候啱啱好，外面帶小小酥脆，魚肉好入味，炒芥藍都好爽脆，淡淡嘅姜味搭配得好好食

鏞鏞· 藝嚐館是我餐廳清單內其中一個選擇，因其環境闊落，光線充足，確實是坐得舒適的地方。不過服務就有待改善了，坐了良久也沒有服務員主動問需要開什麼茶，亦等了很久才奉上茶，若以這個價位來說，服務着實不太到位。食物方面，燒賣、煎蘿蔔糕、紅燒乳鴿屬正常水準食物賣相吸晴嘅有龍鳳呈祥金魚餃（$78）、鏞鏞·手捲雪茄（$80），前者確實好靚又可愛，內裡蝦肉份量可接受。後者則是雪菜鵝肉春卷，炸得不香脆亦偏咸，打卡是可以的。金玉滿堂灌湯餃 （$78）味道可以，湯也清甜。至於索價$220的粵式脆皮燒腩仔，個人覺得雖則皮脆但好咸。整體來說，我覺得試一次就可以了。不過如果想搵一間有戶外而又舒適嘅餐廳飲茶，呢度可能會適合你。

直接來1- 腸粉： 好厚皮，幾乎食唔到牛肉 招牌鏞記鵝比：我食到成渣 吞唔到落去 生炒臘味糯米飯： 以為食緊甜品，甜到難以落口2- 裝修： 高級茶餐廳feel 3- 服務： 普普通通4- 價錢： 大家睇單，性價比極低

至尊叉燒好食，肥瘦相間，不過想對比黑豚肉叉燒就略孫一籌。東星斑好新鮮，清蒸完保留晒啲鮮味，陳皮雞湯雖然清淡不過好好飲，乾淨清爽！仲有一碟係部長推薦嘅蛋炒蟹肉都好好味，餸飯一流

齋係環境呢一項目已經係滿分，其實室內環境都OK嘅，不過既然一場嚟到就梗係坐室外啦，可以食住嚟欣賞成個維港靚景,雖然唔算話係一線海景，但係整個視野都係唔錯嘅，食完幾個朋友頃下計感受下吹過嘅海風，十分寫意，如果夜晚嚟可以仲好feel啲！

位置就係瑰麗酒店嘅樓上，都幾方便。今次我哋walk in入去就有位，不過靠窗果啲風景位就要提前預訂啦，感覺食起身都幾有feel，好適合啲情侶撐抬腳影相。因為我哋半身唔算話好肚餓，所以先叫咗半隻燒鵝，燒鵝淋嘅花生醬比較少見，好香而且一啲都唔會覺得肥膩，點心我就比較推薦呢度嘅灌湯餃同埋蛋撻。

同樣是廣東點心午餐，不過除了「鏞記正宗燒鵝脾」外，其餘的點心都給冠上好聽的名字和特別的造型：鏞鏞•手卷雪茄金玉滿堂灌湯餃龍鳳呈祥金魚餃生意興隆叉燒包童年大白兔糖奶凍其實光看名字，鏞鏞藝嚐館（英文Yung’s Bistro），已經有別一般的傳統酒樓，裝修和座位都比較西式，那氣氛和環境都跟印像中的酒樓不一樣，吃點心喝口茶的話，個人還是喜歡到傳統的中式酒樓，而這間新派的fusion 餐廳的食物味道不過不失，價錢偏貴，試一次已經足夠了⋯⋯

因為係一個人食自己，所以都冇點到太多嘢，因為佢好多菜式都係兩位起嘅，最尾點咗幾個招牌菜同啲點心。燒鵝係招牌咁肯定唔會錯過，肥而不膩，肉質鮮嫩，外皮酥脆，好有水準！手卷雪茄造型好有創意，食落有啲似春卷，但係勝在餡料食起身好有層次感。

鏞鏞係一間充滿獨特魅力嘅餐廳，餐廳環境典雅，服務一流，為食客營造一個舒適嘅用餐氛圍。呢度嘅主廚對食材嘅挑選十分講究，注重原汁原味，烹飪技藝高超。特別推薦佢哋嘅燒鵝，肉質鮮嫩，搭配獨特嘅醬汁，令人回味無窮。呢度嘅甜品都係好有特色，精致可口，甜而不膩。除咗美食，服務都好周到同埋貼心，無論同朋友聚會定係同家人共度美好時光，鏞鏞都係一個唔錯嘅選擇

作為老字號鏞記嘅副線，出品當然有返咁上下！但係呢度嘅環境對比返傳統粵菜餐廳，比人一種既潮流又高檔嘅體驗！餐廳環境寬敞舒服，室內每一圍間距都好大，一啲都唔會覺得逼夾，仲有提供BB凳，方便我哋呢啲帶住小朋友嘅顧客，戶外位置環境都唔錯，好適合享受夜景。

作為鏞記旗下嘅年輕餐廳，開頭都係覺得啲出品會五十五十，不過沒有令我失望。燒鵝上台新鮮滾熱辣，皮脆肉嫩多汁，一口咬落去滿口都是香濃的油脂夾雜住肉香，其中用魚翅豆芽炒蛋那一味菜令我印象深刻，足見師傅功底。