影片
更多
2020-07-21
2080 瀏覽
開店以來都幫襯過好多次，對上一次係舊年一大班人食晚飯，當時都覺得整體水準依然，今日一行三人食午飯，真係俾個份量嚇親！用某app book咗2:00pm，有半價優惠，老人家和小朋友唔會食得太多，諗住先嗌兩個頭盤三個主食，一上菜，嘩⋯⋯咁細碟嘅⋯⋯兩個頭盤真係只可以撩下牙隙，我以為用app book半價優惠，所以份量就比一半啦，我仲問服務員呢啲係正常份量㗎啦，佢話係喎，跟住即刻翻查OpenRice，原來最近已經好多人喺份量果方面表達過意見啦。其實嚟得太古廣場食嘢，都唔係諗住要大件夾抵食嗰啲㗎啦，就算你食物有水準，都應該要serve得大體，見咁嘅情況，加多兩樣嘢先叫做可以感覺到有啲嘢落肚，再叫埋甜品先至叫做有少少飽肚嘅感覺。嗌嗰個棒棒雞，服務員話會有啲辣，小朋友食完之後覺得完全無辣味，得好重嘅花生醬味，食物味道方面是可以的，但未見突出。2:00pm坐低，2:30pm嗌last order，即刻叫埋甜品，跟住就係咁幫你清枱⋯⋯明嘅，所以2:43pm買單走人，喺短時間裏面served九個items，快餐連鎖店都冇你咁快！好難喺相裏面睇到份量有幾少，所以唔post食物嘅相。如果要用正價嘅話⋯⋯🙄🙄
如果要用正價嘅話⋯⋯🙄🙄🙄
張貼
