影片
更多
2012-03-28
192 瀏覽
Uncle為加拿大返港o既好友餞行，XO有幸被邀請一同出席晚宴，試食跑馬地新餐廳「壹玖捌叁」（1983）。可能因為1983正式開業不久，全晚連埋我地都只係得兩枱客，其中一間房重有人為食物影相，可能係雜誌訪問或者拍緊廣告。1983正門要經樓梯上，不過如果有需要，佢地都有部升降機被客人用。餐廳地方好闊落，裝修中西合璧，格調高雅，最重要係油煙味唔重，冷氣又夠，坐得好舒服。如果多人想訂房，大家要有心理準備，最低消費為$5,000。 送酒推介之柒味椒鹽茄子（$62）：茄子少辣，炸得好乾身，而且好香脆，好有天婦羅feel，送酒佳選。 子薑溏心皮蛋（$62）：冇乜特別，因為完全唔考功夫，只可以話係正常。 油雞縱拌玉豆（$68）：豆豆腍得黎又脆脆地，對蔬菜不感興趣o既XO覺得幾得意。 香蔥油海蜇花（$138）：海蜇爽脆香濃，只係$138一小碟一D都唔平囉。 南翔小籠包（$13/隻）：經理提議幫我地分埋，每位用碗上，確保唔會整穿，真係細心。小籠包熱辣辣，皮夠薄，豬肉餡好軟腍，一D都唔肥膩，食完兩粒都唔覺得溜，唯一可以多返少少湯。講真，冇蟹粉o既小籠包都要成$13一隻就唔係幾抵啦。 金箔素翅菠菜羮
1983正門要經樓梯上，不過如果有需要，佢地都有部升降機被客人用。餐廳地方好闊落，裝修中西合璧，格調高雅，最重要係油煙味唔重，冷氣又夠，坐得好舒服。如果多人想訂房，大家要有心理準備，最低消費為$5,000。
送酒推介之柒味椒鹽茄子（$62）：茄子少辣，炸得好乾身，而且好香脆，好有天婦羅feel，送酒佳選。
子薑溏心皮蛋（$62）：冇乜特別，因為完全唔考功夫，只可以話係正常。油雞縱拌玉豆（$68）：豆豆腍得黎又脆脆地，對蔬菜不感興趣o既XO覺得幾得意。
香蔥油海蜇花（$138）：海蜇爽脆香濃，只係$138一小碟一D都唔平囉。
南翔小籠包（$13/隻）：經理提議幫我地分埋，每位用碗上，確保唔會整穿，真係細心。小籠包熱辣辣，皮夠薄，豬肉餡好軟腍，一D都唔肥膩，食完兩粒都唔覺得溜，唯一可以多返少少湯。講真，冇蟹粉o既小籠包都要成$13一隻就唔係幾抵啦。
金箔素翅菠菜羮（$88/碗）：個羮夠熱，菜味唔濃，質感算滑，菠菜變左「菜蓉」所以唔會好似平時咁食完條脷嚡哂，雖然話有金箔，不過每碗$88真係幾貴。
玉蘭花乾燒大蝦（$178）：大蝦香辣酸甜爽脆，好醒胃，芡汁又唔會太杰，唔錯。
京果陳醋咕嚕肉（$128）：每舊形狀圓圓，顏色又唔係咁鮮艷，外表同平時食開嗰D唔係好相同。可能因為體積比較大，咕嚕肉有少少硬，不過外層都算做得幾脆。果皮同醋依個配搭幾得意，味道唔會太酸或太甜，好OK。桂花酒釀炸子雞（180/半隻）：桂花汁另上，味道好清香。炸子雞皮脆肉嫩，好香口。唔點汁食，XO自己覺得OK咸，不過點左桂花汁食就好似唔夠味。大家請留意，同桌有兩位長輩覺得個桂花汁好奇怪，同個雞唔係好夾，如果唔點汁個雞就唔夠味，需要額外加鹽。
野菌燒汁黑豚肉（$188）：黑豚肉嫩口，醬汁亦唔會太多，XO只係嫌蠔油味濃得滯，唔係好夠特色。
必吃推介之秘製擔擔麵（$48/碗）：可選擇叫走辣，少辣，中辣，或勁辣。如果驚一個人食唔哂一碗，可以兩個人分一碗，哥哥仔會幫客人分埋先上枱。小肥本身唔係好食擔擔麵，不過見Auntie講到咁掂，所以就學佢叫左碗走辣少油黎試下。意外地，第一啖已經成功地取悅XO仔個胃，更成為「我最喜愛的擔擔麵」。麵條非常煙韌彈牙，蔥蒜肉碎同樣幼細且份量足，麻醬秘汁味道非筆墨能夠形容，親身試過就會明白點好食法，重食到我同爸爸拍難手掌添！
紅燒豆腐（$108）：小弟唔係好啱食豆腐，不過都食左一口，覺得味道比較淡。獨家推介之巧克力蜂巢角（$12/件）：好少中菜會選用朱古力做甜品，1983自創o既中式心太軟真係做得相當出色，大家唔食真係走寶！酥炸出黎o既巧克力蜂巢角外層鬆化，內層流心，絕對唔油膩，而且味道屬微甜，完全唔過火，正！
爸爸推介之楊枝甘露涷布甸（$48）：爸爸唔食朱古力，所以聽取經理哥哥介紹，叫左個不同口味o既楊枝甘露布甸做甜品。爸爸大讚布甸香甜滑溜，更吩咐我要喺openrice上推薦比各位讀者。
全晚由經理哥哥Eric親自招呼，落單上餸斟酒，樣樣做足，而且好細心；我地對食物及餐廳安排有意見，佢亦耐心聆聽，感激感激。全晚最唔滿意就係價錢：每位茶錢要成$16，睇倒張單其實都有少少愕然；當晚大部份人重要選擇飲熱水同餐廳提供o既紅酒，真係蝕哂大本。照計我地冇叫咩大餸，除返條數平均每人食左$440，食物雖然都算好食，不過完全唔覺得抵食囉！如果大家想試，XO會建議大家黎食碗秘製擔擔麵加巧克力蜂巢角，咁就好足夠啦；喺跑馬地住o既朋友可以叫外賣，連茶錢同加一都慳埋，咁就抵好多啦。
張貼
