醬缸韓國料理 (已搬遷) 新店位置

今晚遲左少少去食飯,估唔到依到已經有幾十人係到等緊喇,好彩唔係一個人等如果唔係一定悶死,等左大約三十至四十分鐘左右,就入得去喇,地方唔算太大，一就睇哂成間喇,之後就開始叫野食,當然要叫依個芝士年糕海鮮鍋,不竟係人氣食品,當然唔可以錯過,之後就要埋石頭鍋飯。食韓國野最開心就緊係主菜前既前菜，佢依到唔算太多款,有翠肉瓜,泡菜,同埋依個馬鈴薯條,都係正常水準,唔算太特別。另外就係依個石頭鍋飯,佢有得揀雞牛豬,是旦一樣,鍾意牛既我地當然食牛喇,不過都唔錯,最緊要夠熱,都係正常水準。之後就係重點芝士海鮮年糕鍋,依個芝士海鮮年糕鍋真係一絕,面個層芝士味夠哂濃但最緊要係你唔會覺得膩,如果唔係食少少就夠會無意思。年糕軟硬做得唔錯,有咬口得黎又唔會太硬吸埋海鮮既味道，好正。