安平燒肉

營業中

休息中

澳洲 M5和牛肩胛肉嘅雪花好吸引，食落肉質柔軟而且肉味濃厚，仲入口即溶，忍唔住一件又一件😁阿女就鍾意安格斯牛小排，入口軟滑，夠晒肉味。嚴選裙邊牛柳外貌一般但食落牛味十足，有咬口但唔覺韌。長條型嘅牛舌芯有啲厚度，咬落去特別有口感。美國SRF極黑牛，真係冇話講，肉質超級鮮嫩，烤得剛剛好，肉汁四溢，令人食到停唔到口。除咗肉類之外，燒生蠔同帆立貝都係我至愛。兩款海鮮相當鮮甜，搭配燒烤嘅香氣，實在太好味🥰出面仲有自助蔬菜區🥬同飲品櫃🍹飲品櫃有自家冷泡茶同各款罐裝飲品🥤除咗咁仲有我最鍾意食燒肉用嘅醬汁，依到仲有成12 款咁多，可以俾我細味台燒嘅醬汁情懷。而除咗安平辣椒醬之外，我最鍾意就係招牌黃金醬，新鮮蔬菜加蒜片再配台灣醬汁，真係食過返尋味。另外仲可以自製安平櫻花蝦飯，櫻花蝦、香蔥、海苔同秘製嘅滷水汁分量都由自己調配，阿女都忍唔住整番碗。甜品阿女當然鍾意食乳酪雪糕啦，仲可以自己加唔同配料及醬料，而我就鍾意食仲新出嘅冬日甜品芋圓薑汁布丁杯，Q彈芋圓配上驅除寒氣嘅薑汁布丁。