影片
更多
2025-07-13
452 瀏覽
啱啱過去嘅星期二趁住暴風雨來臨之前同老婆大人入咗西貢Hea吓！晏晝嗰餐仲同朋友去咗食海鮮正呀喂。 睇吓嗰日個天空幾咁藍超靚！我哋都好鍾意西貢入親去都要兩粒鐘其實都幾遠㗎，不過見到啲咁正嘅環境遠啲都係值得嘅。今次揀咗去米芝蓮一星嘅六福菜款食晏！上年食過一次覺得佢哋嘅嘢食好唔錯，所以都幾有信心叫埋朋友一齊嚟食。先嚟一鍋西貢地道魚湯開胃！經理話用咗好多唔同嘅新鮮魚嚟煲呢個湯，加咗啲番茄薯仔調味飲落去真係好鮮甜搞到我飲咗三碗。一人嗌咗隻米湯低溫慢煮元貝，用米湯慢慢浸熟鮮甜嘅元貝食落去口感好柔軟，仲充滿米香嘅味道加咗少少金華火腿令到個味道更加豐富。我同老婆大人都好鍾意食雞腳所以點咗呢個生扣北菇雞腳嚟嘆吓！勁厚嘅花菇又爽又滑勁好咬口，煮得好入味食到冬菇自己嘅香味真係好得喎。雞腳都炆得啱啱好唔會一咬落去散晒！啱晒有年紀嘅我哋補充下骨膠原。嚟到呢度好唔難食招牌嘅椒鹽焗大連鮑魚！大大隻嘅鮑魚質地好煙韌彈牙，用椒鹽整出嚟真係好鬼惹味。茄子係老婆大人鍾意食嘅所以叫咗呢個蒜蓉粉絲蒸茄子俾佢嘆！蒜蓉醬好香口用嚟蒸清甜嘅茄子好啱咀型，墊底嘅粉絲吸晒蒜蓉嘅香味都係好嘢嚟㗎。食食吓見到隔籬枱嗌咗呢個椒鹽奇趣豆腐！我哋
睇吓嗰日個天空幾咁藍超靚！我哋都好鍾意西貢入親去都要兩粒鐘其實都幾遠㗎，不過見到啲咁正嘅環境遠啲都係值得嘅。
今次揀咗去米芝蓮一星嘅六福菜款食晏！上年食過一次覺得佢哋嘅嘢食好唔錯，所以都幾有信心叫埋朋友一齊嚟食。
先嚟一鍋西貢地道魚湯開胃！經理話用咗好多唔同嘅新鮮魚嚟煲呢個湯，加咗啲番茄薯仔調味飲落去真係好鮮甜搞到我飲咗三碗。
一人嗌咗隻米湯低溫慢煮元貝，用米湯慢慢浸熟鮮甜嘅元貝食落去口感好柔軟，仲充滿米香嘅味道加咗少少金華火腿令到個味道更加豐富。
我同老婆大人都好鍾意食雞腳所以點咗呢個生扣北菇雞腳嚟嘆吓！勁厚嘅花菇又爽又滑勁好咬口，煮得好入味食到冬菇自己嘅香味真係好得喎。
雞腳都炆得啱啱好唔會一咬落去散晒！啱晒有年紀嘅我哋補充下骨膠原。
嚟到呢度好唔難食招牌嘅椒鹽焗大連鮑魚！大大隻嘅鮑魚質地好煙韌彈牙，用椒鹽整出嚟真係好鬼惹味。
茄子係老婆大人鍾意食嘅所以叫咗呢個蒜蓉粉絲蒸茄子俾佢嘆！蒜蓉醬好香口用嚟蒸清甜嘅茄子好啱咀型，墊底嘅粉絲吸晒蒜蓉嘅香味都係好嘢嚟㗎。
食食吓見到隔籬枱嗌咗呢個椒鹽奇趣豆腐！我哋都係敵唔過為食叫咗一份，超薄嘅外皮整得好香脆入面嘅豆腐就嫩滑到飛超，正到我食咗兩件都覺得唔係幾夠喉呀。
呢個係客家鹹菜木耳炆腩仔！炆得夠晒香濃腩肉又香又鬆化仲要肥而不膩，鹹菜木耳就夠晒爽口呢個送飯真係一流。
我雖然唔食得辣不過老婆大人鍾意咁我就豁出去捨命陪老婆啦！藥膳辣酒煮花螺一上枱嗰朕酒香真係勁啾，花螺煮得啱啱好有咬口得嚟唔會靭，藥膳辣酒嘅香味真係好香濃仲幾辣添，我建議大家嚟到浸一陣先食仲正斗。
最後整多個西貢艇仔蒸飯咁就包保夠晒飽！呢個飯真係好神奇一滴豉油都唔使落，淨係靠海味同潤腸就已經夠晒味好食到不得之了。
最後經理仲送咗甜品俾我哋食！係好正宗嘅泰式椰汁西米糕同埋蝶豆花椰青大菜糕，我就比較鍾意甜中帶鹹嘅椰汁西米糕多啲。
張貼
