影片
更多
2019-09-26
121 瀏覽
好耐之前食過灣仔嘅 Burger Joys，覺得幾高質，今日同朋友去咗西環分店～我以前食過 Beef Burger勁好食，但最近戒咗食，所以我今次就叫咗雜菌蘑菇芝士漢堡，朋友叫咗 雞肉漢堡，同埋share咗一份黑松露薯條。 雜菌蘑菇芝士漢堡 ($89)如果係素食者都可以嗌呢個，因為有雜菌、紅洋蔥、生菜、番茄、酸瓜同芝士，好多料！佢嘅蘑菇唔係大啡蘑，亦唔係一片片嘅蘑菇，而係將雜菌同蘑菇都切碎，再煎成一塊好厚嘅雜菌堡～雖然無肉，但食落都好juicy，而且顏色同食物搭配都好豐富，令人食指大動😋雞肉漢堡 ($89)就咁睇個賣相都好吸引，好多邪惡嘅芝士醬，亦有紅洋蔥、生菜、番茄、酸瓜～雞肉煎得好香，肉質鮮嫩！而且個包好香脆，即叫即做又夠熱，食落更加有口感！黑松露薯條 ($59)同平時食嘅黑松露薯條唔同，呢款係黑松露醬而唔係碎，但只係鋪係面所以味道唔夠均勻。叫咗兩杯野飲，加埋真材實料嘅burger都係300幾，高質抵食！
我以前食過 Beef Burger勁好食，但最近戒咗食，所以我今次就叫咗雜菌蘑菇芝士漢堡，朋友叫咗 雞肉漢堡，同埋share咗一份黑松露薯條。
雜菌蘑菇芝士漢堡 ($89)
如果係素食者都可以嗌呢個，因為有雜菌、紅洋蔥、生菜、番茄、酸瓜同芝士，好多料！
佢嘅蘑菇唔係大啡蘑，亦唔係一片片嘅蘑菇，而係將雜菌同蘑菇都切碎，再煎成一塊好厚嘅雜菌堡～
雖然無肉，但食落都好juicy，而且顏色同食物搭配都好豐富，令人食指大動😋
雞肉漢堡 ($89)
就咁睇個賣相都好吸引，好多邪惡嘅芝士醬，亦有紅洋蔥、生菜、番茄、酸瓜～
雞肉煎得好香，肉質鮮嫩！而且個包好香脆，即叫即做又夠熱，食落更加有口感！
黑松露薯條 ($59)
同平時食嘅黑松露薯條唔同，呢款係黑松露醬而唔係碎，但只係鋪係面所以味道唔夠均勻。
叫咗兩杯野飲，加埋真材實料嘅burger都係300幾，高質抵食！
張貼
