Espuma (M88)

營業中

休息中

餐廳給人感覺好柔和好舒服，裝修看得出落了心思，感受到有夏日嘅感覺，讓客人可以打卡。枱與枱之間有足夠距離空間，够闊落。XO醬煮活青口配白酒忌廉汁白酒加左XO醬去煮，湯底變得好濃郁，青口唔算好大只，不過數量足夠，食落鮮嫩可口。濃濃嘅白酒XO醬味道融入到青口入面，好够味。另外仲有麵包，蘸上濃郁嘅湯汁之後進食，味道不錯。忌廉菠菜帶子意大利飯3大粒帶子，外層煎得好香，如果可再煎更香，口感會更勝一層。而帶子更係半熟，每一口都係享受。而意大利飯份量好足，加上菠菜去煮都係第一次食，感覺好清新入味。西班牙橡果黑毛豬柳西京汁珍珠麵西班牙橡果豬，肉質鮮嫩，以橡果為主要食糧，感覺相對健康。而珍珠麵係其中一種意大利麵，形狀特別，口感彈牙，應該用文火慢燉。配上獨特西京汁調味，味道特別，非常入味。招牌水果茶橙汁味濃，甜酸交替，杯內有青蘋果粒、菠蘿粒等。淡淡嘅水果味，清甜可口，好開胃。