影片
更多
2016-06-22
437 瀏覽
此餐廳為名廚EDDY CHU開設，係餐廳門口擺放多個EDDY o既獎項，可見其實力非凡~ 呢間西餐仲有個主題 - 西式大排檔，叫得做大排檔，環境的確係唔似平時fine dining o既西餐廳，走較為輕鬆o既路線，令食客食得無咁拘謹，而且，某d食物都幾fusion架 呢度有一人餐、二人餐同a la carte，我地兩個都懶得諗食咩，所以就叫左個二人餐啦 這裡是為廚師而設o既表演舞台 雜果賓治原本2人餐係包2杯餐杯，但我地兩個今晚都唔係好想吸收酒精，所以就問下侍應有咩無酒精飲品代替，佢好好咁介紹左呢杯雜果賓治俾我地，雜果賓治成日都有得飲，我鐘意佢呢度用上新鮮生果，酸酸地咁好開胃 海鮮拼盤分別有生蠔4隻、鮑魚2隻、日本刺身帶子2隻、鮮蝦4隻、紐西蘭聖子刺身，一大盤冰鎮住咁上，派頭十足，再配上3種醬汁 - 日式醬油、香草青檸汁、COCKTAIL SAUSE，生蠔其實係有兩款品種分別提供2隻，全部海鮮都好新鮮，我特別鐘意個聖子刺身，配上香草青檸汁出期地夾，而且十分爽口，好一個頭盤作為序幕 乳酪芒果雜菜沙律配西班牙48個月黑毛豬風乾腿呢個沙律用乳酪取代沙律醬作為dres
呢度有一人餐、二人餐同a la carte，我地兩個都懶得諗食咩，所以就叫左個二人餐啦
這裡是為廚師而設o既表演舞台
雜果賓治原本2人餐係包2杯餐杯，但我地兩個今晚都唔係好想吸收酒精，所以就問下侍應有咩無酒精飲品代替，佢好好咁介紹左呢杯雜果賓治俾我地，雜果賓治成日都有得飲，我鐘意佢呢度用上新鮮生果，酸酸地咁好開胃
海鮮拼盤分別有生蠔4隻、鮑魚2隻、日本刺身帶子2隻、鮮蝦4隻、紐西蘭聖子刺身，一大盤冰鎮住咁上，派頭十足，再配上3種醬汁 - 日式醬油、香草青檸汁、COCKTAIL SAUSE，生蠔其實係有兩款品種分別提供2隻，全部海鮮都好新鮮，我特別鐘意個聖子刺身，配上香草青檸汁出期地夾，而且十分爽口，好一個頭盤作為序幕
乳酪芒果雜菜沙律配西班牙48個月黑毛豬風乾腿呢個沙律用乳酪取代沙律醬作為dressing，令整道菜更為健康，芒果作為夏天時令生果都無失場，夠晒清甜，用上黑毛豬風乾腿而唔係慣用o既parma ham令我更為喜愛
黑松露蘑菇湯黑松露味道濃郁，我鐘意佢無將d蘑菇打到變醬而係仲保持到一小小粒咁，令個湯更加有口感
海鮮冬蔭忌廉湯呢個湯混合左泰國同西式o既元素，新鮮感十足 第一啖飲落去除左有熟悉o既忌廉湯味，同時滲出冬蔭公o既味道，帶小小辣，估唔到可以咁夾，海鮮亦都俾都足，每一口都可以連到至少一舊海鮮食，強烈推介必試!
黑松露年糕又係fusion野，呢道菜o既黑松露味比起頭先o既蘑菇湯更加濃，忌廉份量做得剛好，岩岩好足夠所有年糕沾上
咖哩蟹肉配熱脆麵包fusion fusion fusion~~ 最鐘意新配搭~~ 平時食咖哩就總會叫多籃包沾咖哩汁食，今次就直接將佢地mix埋一齊，蟹肉唔算多，個咖哩幾香，麵包仲保持到脆，証明無整定攤係度擺到淋晒喔
磨菇法國田螺磨菇汁好濃，田螺大大粒，我最鐘意佢整左個紫薯蓉，唔會淨係啖啖淨係食田螺咁dry
西班牙橡果級黑毛豬肉眼蓋此黑毛豬係食橡果大，所以唔會有平時o既豬騷味，雖然無乜脂肪，但肉質一d都唔軔，呢道主菜跟上紫薯蓉而棄用一般o既薯蓉，更為健康有益
美國慢燒牛肉眼友人叫左medium，果然夠晒生 我就唔太慣食咁生o既牛但都試左一小舊，RIB EYE脂肪相對較少但同樣地好淋，好JUICY，成塊牛扖夠晒大舊，目測應該大約8OZ
是日甜品當晚o既甜品為藍莓芝士蛋糕，再附上一碗生果，食完咁大舊肉之後有番d生果平衡一下唔錯唔錯 藍莓芝士蛋糕芝士味唔算好濃，反而個藍莓醬個味就更加突出，為今晚畫上一個完美句號
呢個2人餐有咁多野食，真係細食少少都唔得，絕對可以一次過滿足晒好多食慾願望呀
張貼
