一起果醬 (已搬遷) 新店位置

入到嚟西貢，唔係食海鮮就係食西餐。今次就嚟到呢間小小嘅cafe，最出名係自家製嘅果醬。Classic all day breakfast 就真係幾 classic，有炒蛋煙肉番茄炒菇同兩款鬼佬腸仔，最特別應該只係多士上面嘅果醬，可以自己揀。啲野食係好味，但講唔上特別，睇你自己preference 😂 至於個素嘅 all day breakfast , 最好食係塊大啡菇，烤得幾juicy。個果醬九宮格多士賣相幾特別，但同all day breakfast 個醬一樣，係好食但唔特別。最清新嘅一道菜應該係個士多啤梨排骨啦。醬燒排骨加左果醬感覺唔濟，有咸加甜嘅味覺沖擊，鍾意特別口味嘅不妨試試。