翠韻軒 (已結業)

由於有某某信用卡的關係，我都會傾向揀美心集團嘅餐廳用饍。上星期就帶咗兩老黎到以前叫做映月樓嘅翠韻軒食飯。裝修過後，餐桌之間有更加多空間，整體上會坐得舒服。不過，如果撞正大時大節或者有飲宴，就可能會有點嘈。今次想介紹兩碟餸菜比大家。第一碟係荔芋香酥鴨。印象中係第一次食，表層好鬆脆，連埋鴨肉食都幾特別同好味。另一碟，就係貴妃脆蝦球。依碟餸果sauce超好味，好岩用黎餸飯一流。整體感覺：用黎食家庭聚餐的一個不錯選擇。