鏞記酒家

營業中

休息中

大裝修後第一次嚟鏞記，一樓比以前靚咗，完全無舊式酒樓果種頹味。六個人點咗半隻燒鵝，叉燒，乳豬同松子雲霧燻香肉，基本係上枱一陣盤盤清，每一道菜嘅味道恰到好處，松子雲霧燻香肉色澤好靚，浸肥肉可以話入口即溶，腩肉有好香燻木味，濃厚而唔鹹。不過我最鍾意邪惡嘅燒乳豬，表皮層暗紅色好誘人，放入口極脆又香，成枱人都讚不絕口。服務OK，環境佳，價錢略貴，但以質素計值得一試。