醉胡爐 (已搬遷) 新店位置

放左工同一班同事去飲吓嘢食下飯，諗住行上山林道時，行過見到呢間新餐廳，喺門口見到佢裝修又幾靚，一睇之下原來係食日本菜同法國菜，裝修又有啲酒bar feel 同埋每格座位都有屏風間隔...私隱度都幾高，最啱我哋講秘密，就比佢吸引左入去，個menu 都幾特別，咁就揀咗幾樣刺身做starter，叫左條真鯛刺身，都只係三百零蚊，另外又叫左幾件三文魚腩，一板海膽剌身，因為有個刺身bar喺中間好明顯比我睇到呢板係北海道平川海膽唔係cheap 嘢食落甘香清甜，仲有法國gillardu生蠔等等⋯⋯之後食左個清酒煮馬刀貝，都幾大隻，印象中比較難忘嘅菜式有黑松露酥皮卷，一啖之後，蟹肉同黑松露一直留在口腔，酥皮焗得鬆脆⋯⋯真係一試難忘，食到呢度我已經好飽，同事未夠叫左隻燒春雞，點知侍應一打開，原來內藏乾坤，一陣好香嘅鮮味湧上來令我食飽都忍唔住再試下，原來雞裏面係鮑魚燴飯，真係令我大開眼界，下次真係要再去試埋佢其他嘢，唯一美中不足嘅係上菜速度比較慢，亦要提醒D待應先識加水⋯希望佢哋可以係呢方面有所改善。