楚撚記大排檔

營業中

休息中

放假日跟老公行街睇戲，差唔多5點左右行去楊屋道街市買餸打算回家煮飯，老公話反正今日放假，不如出街食飯。街市對面有間小菜人氣店，長期大排長龍，由於時間尚早，所以終於可以walk in 入內。餐牌有好多人氣小食，款款都非常吸引，可惜我哋只得2個人，所以只可以叫幾款試試。西楚霸王雞（半隻）霸王雞面頭放上大量炸蒜，薑蔥細絲，未食已經聞到香氣，食時將雞件沾滿豉油，加埋薑蔥一齊食，雞肉軟嫩可口，豉油甜甜地，加上蔥絲香味，令到雞肉味道更加滋味！楚撚原隻脆皮炸豬手份量十足，豬手外皮脆卜卜，肉質結實而有膠質，入口有QQ口感，沾上芥末醬更加惹味，可以平衡下油膩感。香甜梅菜蒸菜心菜心偏淋如果硬身一點會比較好，不過味道清甜可口，甜梅菜甜味可以增加蔬菜鮮味，而且清蒸感覺非常健康，非常適合減肥人士。