榮少喇沙 (已結業)

喺何文田一帶做完嘢就無意中去咗何廣街市覓食，然後就誤打誤撞幫襯左🤣其實小店比較出名食由新加坡進口嘅喇沙湯底，但基於太肚餓所以叫咗飯🤣小店空間唔大坐到五至六人喔，係價錢經濟嘅平民街坊小店。⭐️身穿校服或出示學生證送飲品一杯💁🏻‍♀️但何文田分店最近暫停營業💛黃店認證： 7月起fb表態；13/11天水圍開花送飲品；派水糖水雪梨水比街坊；大派撐港揮春和農曆；參與和你吃聖誕跨年飯；收銀放有中大理大保衛戰寫真；免費比酒精搓手液醫護；有份聯同各區小店老闆訂購酒精搓手液比同路人換購。👓秘製豬軟骨飯 $38 ➡️配台式肉燥汁豬軟骨有四大舊非常多肉，夠濃味撈飯一流，肉質夠淋，有半隻流心蛋。飯底多唔會煮得太濕笠。肉燥汁始終都係汁所以唔係有明顯好多 肉燥只係少許肉碎仔，不過味道唔算太鹹撈飯幾好。評分：7/10➡️ 配葡汁葡汁較為甜味，撈飯ok但稍為同豬軟骨味道不太夾🤣評分：6.5/10👓檸檬薏米水薏米水清甜滋潤，有檸檬變相更酸酸甜甜好清新開胃。老闆超好人，直程擺壺檸檬薏米水叫我地自己任添飲。