金樂軒雞煲魚鍋

營業中

休息中

今日食左個靚雞煲。好道地既細舖頭，但野食整得好夠味，好食。餐廳外表雖然看似普通，但都識整好多送。可以食小菜，都可以打邊爐。咁既天氣梗係食雞煲溫暖下。雞煲叫左小辣，個辣味好惹味，小小辣但越食越開胃。雞肉煮得啱啱好，好滑唔會老。雞肉份量多，抵食。豆卜入曬雞煲既味，好濃郁。最重要係有香菇，菇索曬雞煲汁，好香。食完個雞煲，叫左個安格斯肥牛。打邊爐食肥牛係一定既。牛肉彈牙多汁。上等安格斯牛肉口感真係唔同啲。雖然加左湯，但雞煲陣惹味都仲係度，加埋肥牛真係無敵，好好食。之後叫埋個餐肉食。厚切既餐肉，食得好夠喉。最鍾意打邊爐加餐肉，陣味每次食豆食唔厭。個餐肉唔係全部都係麵粉，係食到肉，口感好好。之後再叫個炸魚皮，又係打邊爐必備。魚皮吸曬個湯底，食一啖好脆，口感好。再叫左個竹蔗茅根，好清甜，鍾意佢自己煲，好明顯原汁原味，低糖。呢個味道啱啱好。今日既雞煲食到好開心，好滿足。