好燒式串燒專門店 (大南街)

營業中

休息中

和友人經過大南街見到“好燒式串燒專門店”，好想食番幾串串燒，不期然就走左入啦!店子裝修簡約，乾淨整齊， 座位闊落寬敞，最重要係冷氣十分夠凍，所以十分舒服。Menu串燒款式共有50多款，價錢大部份都是十多二十元一串，而且份量頗大，真係街坊價格。店子還供應十多款海鲜，特色小食，意粉，薄餅，扒類和 廚師推介， 食物種類頗豐富。炭燒牛舌串$28~共有5大塊，厚切， 口感柔軟中帶爽彈，牛味香濃，十分美味。牛肋串$26~牛肋肉好腍好軟好入味，少辣，十分惹味！燒茄子(原條)$34~茄子肉軟腍多汁，香氣四溢，配上大量葱花， 蒜蓉和孜然粉，好好味啊！菠蘿$18~清甜多汁，帶微微的焦香，好正！鱔$43~皮燒得好香脆，肉質爽彈，而且份量好大，回味無窮。蕃茄白酒煮花甲$118~花甲肉唔算大，但爽口鮮甜，湯底有車厘茄， 蘆筍和粉絲，帶淡淡酒香，好清甜。