Espuma (H8) (已易手) 新餐廳

今日鞋舖VIP生日派對响Elements包場睇戲，有免費戲睇又有汽水爆谷同鮮花coupon收，勁開心😆之後友人K想食呢度嘅麻糬窩夫，於是出咗去出尖沙咀食tea。揀咗窗口位，好鍾意舖頭嘅西班牙風格pattern，令我諗起最愛印象派畫家梵高嘅風格同畫作《星夜》、《向日葵》✨🌻由於夜晚去打邊爐，我哋各自叫咗一凍一熱招牌水果菜，西班牙火腿菠菜奄列share，K想試嘅鮮雜果麻糬窩夫配雪糕只有星期二、五供應，於是叫咗個香芋味麻糬窩夫配綠茶雪糕自隊。我要咗凍嘅招牌水果菜，飲落啲茶有啲澀味，應該係茶葉浸得太耐嘅關係，但啲水果味都出，酸甜幾清新，隻雙頭叉匙羹可以戟啲水果食埋，感覺又健康咗。西班牙火腿菠菜奄列睇到覺得吸引，食落味道不錯，菠菜、薯仔、洋蔥調以輕微黑椒，但冇乜火腿，如果啲蛋係半溶半熟仲正。餐牌啲嘢食除咗麻糬窩夫睇落都唔係好貴，行開街可以去hea下食嘢。