麻辣香鍋

營業中

休息中

去到冬天，天氣凍嘅時候會想食四川菜，辣辣地好開胃，好惹味嘅食物亦都會令你想食多啲飯。係旺角站附近唔駛5分鐘路程都有間川菜，旺角行完街之後食飯都好方便。招牌香鍋🌟朋友唔太食得辣，有唔辣嘅醬香選擇，配料揀咗新鮮鮑魚、肥牛、牛舌、墨魚餅、蓮藕仔及薯粉，望落去好惹味，份量都夠2-3人分享，配白飯一流。孜然羊肉 配麼麼皮🌟東北菜常見嘅孜然羊肉，係呢度都有，仲可以配麼麼皮。麼麼皮超薄但咬落去都煙煙韌韌，包埋羊肉同埋配菜洋蔥等好夾。清炒萵筍絲🌟想食菜嘅健康之選，萵筍切得好幼，每一條食落去都好爽口，清清地好好味。黑糖糍粑🌟食完成餐飯一定要叫！糍粑表面好脆，熱辣辣炸完煙煙韌韌，本身冇甜味，可按個人喜好沾黑糖醬。