翠林辣蟹舫

營業中

休息中

叫得翠林『辣蟹』舫，主打食物必定係蟹囉。間店镇店菜式有避風塘香辣蟹，蟹醬焗香辣蟹，黄金流沙蟹，黑白胡椒蟹，呢晚試咗蟹醬焗香辣蟹，一出場，都幾巨型，外表亮麗，蟹味飄香，蟹醬焗嘅，故有雙層滋味，而蟹殼已拍打過，好易打開，吃到啲結實鮮甜的蟹肉，再睇吓個鉗，大，彈牙，鮮甜無比，對一個蟹痴來講，真係超級满足。薑葱生蠔煲啲蠔好大好大隻，蠔味十足，加埋薑葱，實在好中式，好夾，另一惹味之選。出街吃，吃少咗瓜菜，故今日嗌咗個豉蒜涼瓜燒腩仔來彌補不足。食神炒飯同樣係招牌，我視之為中日fusion菜式，因炒飯面舖滿晒蟹子，然後好有心機堆成一條魚，年年有餘(魚)係人都希望啦。再提一提，明星廚神謝霆鋒都來過吖，見到好多合照，除霆鋒之外仲有好多藝人來幫襯。