Mimila (已結業)

今日約咗朋友去沙田行街，順便在商場食個Lunch。「Mimila」位置十分方便， 就在沙田火車站 (Exit A3) ，步行數分鐘就到。原來在馬來西亞將兩隻唔同嘅麵煮成一碗麵叫做「摻摻」麵， 很有意思！ 今次混合咗油麵同米粉， 將粗身嘅油麵同幼細嘅米粉一齊食，口感特別豐富。 我叫咗碗《馬來辣蝦白毛豬肉湯》， 材料豐富， 包括蝦、白毛豬肉、芽菜同貢菜。最掂係個《馬來辣蝦湯底》， 湯底有濃濃嘅鮮蝦味， 好鮮甜又唔太辣， 好食！ 薄薄嘅白毛豬， 味道特別香濃， 油脂分布均勻， 好好食呀！蝦子香味四散嘅《西班雅粟飼白毛豬撈麵》， 當蝦子混入麵條一齊食， 滿口都有蝦子嘅甘香味，麵條亦十分爽囗。 客人仲有可以追加配料， 自由配搭， 十分有彈性，值得加分！👍夏天熱炎炎， 叫番杯消暑嘅檸檬意米水就冇死啦， 生津止渴，爽呀！