老厝邊 (已結業)

炸甜不辣($30)口感煙韌，完全冇油味，如果有調味粉或者醬汁點下就更加好啦嘉義雞肉飯($30)細細碗啱晒女仔食，雞肉好嫩滑，醬汁甜甜地，係台灣菜少有嘅清淡菜式酥炸排骨($30)火候控制得啱啱好，唔會炸到過老，仲食到肉汁，但味道偏鹹起司肉鬆蛋餅($35)芝士多到可以拉絲，加埋肉鬆，鹹甜兼備，口感非常豐富飲品佔咗menu一半，有成40款咁多，有選擇困難症嘅我揀咗勁耐，最後試咗蜂蜜檸檬愛玉($22)、仙草凍鮮奶($26)同經典珍珠奶茶($26)，質素拍得住出面嘅台式茶飲店