影片
更多
2015-07-14
1348 瀏覽
一直都想嚟深水埗掃街，聽講多好野食又夠哂平！新香園嘅蛋牛治出哂名，我呢個超中意食蛋嘅人一早就放咗呢間餐廳係我嘅checklist!嚟到之後見到差唔多枱枱都叫蛋牛治！我同男朋友叫咗一份蛋牛治($18)同一杯菠蘿冰($17)。兩樣都係餐牌上嘅馳名推介！蛋牛即叫即整但上枱速度都非常之快。上枱嗰陣熱辣辣好想即刻咬一啖！我地叫咗烘底(+$1)，面包哄得香脆，食落同平時嘅蛋牛治好唔同！平時蛋牛治都係用咸牛肉，但係呢到嘅卻係用鮮牛肉。雖然無咸牛肉咁香口，但係就多咗平時唔會出現係蛋牛治嘅牛味，仲健康啲添！餡料亦一啲都唔孤寒，入面層蛋牛非常厚！但係菠蘿𣲙就頗令人失望。根本就係糖水加罐頭菠蘿得個甜字完全無菠蘿嘅香味。唔建議大家叫。整體嚟講，會為咗蛋牛治再嚟嘅，而且想試埋另一推介豬手面！
一直都想嚟深水埗掃街，聽講多好野食又夠哂平！新香園嘅蛋牛治出哂名，我呢個超中意食蛋嘅人一早就放咗呢間餐廳係我嘅checklist!
嚟到之後見到差唔多枱枱都叫蛋牛治！
我同男朋友叫咗一份蛋牛治($18)同一杯菠蘿冰($17)。兩樣都係餐牌上嘅馳名推介！
蛋牛即叫即整但上枱速度都非常之快。上枱嗰陣熱辣辣好想即刻咬一啖！我地叫咗烘底(+$1)，面包哄得香脆，食落同平時嘅蛋牛治好唔同！平時蛋牛治都係用咸牛肉，但係呢到嘅卻係用鮮牛肉。雖然無咸牛肉咁香口，但係就多咗平時唔會出現係蛋牛治嘅牛味，仲健康啲添！餡料亦一啲都唔孤寒，入面層蛋牛非常厚！
但係菠蘿𣲙就頗令人失望。根本就係糖水加罐頭菠蘿得個甜字完全無菠蘿嘅香味。唔建議大家叫。
整體嚟講，會為咗蛋牛治再嚟嘅，而且想試埋另一推介豬手面！
張貼
