新香園 (堅記)

營業中

休息中

點咗蛋牛治，原來係沙嗲牛蛋治，新鮮有汁，唔錯。重頭戲：失望西多。餐牌寫西多士，個人認知既西多士係一定有花生醬既，點知… 原來而家要寫明《花生醬西多士》先會有醬架！呢間既只係2片炸包+pat牛油，見到時極失望、忍唔住問阿姐，你地啲西多無花生醬架阿姐：啲客唔鍾意咁多醬，有人投訴太多嘩，都唔洗完全無架，點食呀！話要花生醬要+$1！ 我俾！！之後就變咗圖中既花生醬浸西多啦！感動！$1可以有咁多醬～再黎奶茶… 淡，唔香，唔滑，$19大元親友都係做飲食，話咁既西多真係賺到盡～

久聞深水埗新香園堅記的馳名豬手麵，今日特來一試。懷着期待，點了一碗馳名豬手麵，店家堅持傳統做法，豬手燉煮至極致軟嫩，一百歲冇牙都不怕，入口即化，筷子輕挾即散，別有一番風味。南乳醬香若隱若現，恰如粵式古法醞釀的含蓄之美，徒留一抹蒼白滋味。豬皮色澤深沉，肉縫間隱約殘存暗紅血漬，豬皮半邊泛着黯黑，火候拿捏獨到。 麵條秉承老派風格，煮得綿軟順口，綿軟無神，與濃郁湯底相得益彰，宛若久置的殘絮。師傅數十年功力，盡在這碗匠心獨運的豬手麵中，令人回味傳統廣式風味的雋永魅力。 此番滋味，非為苛求，老字號的招牌，只是記憶裏的餘溫。

呢一間係深水埗既老字號茶餐廳，咁多港式美食中，當中就以佢地既士多最出名。今次黎到就試左以下幾款佢地出名既美食啦- 熱奶茶，茶底醇厚，甜度可以自己落糖調整。- 蛋牛治，係呢到最出名既，所以一定要試同埋要叫烘底既，多士外脆內軟，夾著蛋牛肉餡，蛋香濃郁。- 花生醬西多士，加埋牛油，邪惡得黎，好香、好好味。呢到落完order，上菜都好快，，由落單都埋單半個就完左，好有效率📝TIPS: 黎到呢啲老牌茶餐廳，地方通常都細，坐落有啲迫。

上網睇影片分享平台 d人黎食講到好好味咁，咁啱經過就打算試下，蛋牛治幾好食，紅豆冰淡味，西多士不過不失，但係最難頂係一張細圓枱，一面靠牆佢仲要搭台坐6個人，個個膊頭痴膊頭坐，兩張枱距離又近，完全冇留出入通道，食野其間有人出入我要食食下起身讓位比人出入，大佬你鋪位細要坐多d人要賺錢都唔係咁下，我完全都冇心情食你d野，跟本就係出左名做遊客生意，就算幾好食都好我真係唔會有下次，唔怪得啲人唔留港消費返曬大陸

今日約左人喺深水埗，朝早10點路過，見無乜人排隊，買左份蛋牛治烘底，$24，啲餡勁小勁細份，其實最近幾次都係咖，越嚟越細份，仲好咸添，之前每次食完都諗：係咪咁啱今日失準咋，然後每次經過又食，但次次都係失望而回，今次我忍唔住同佢位收銀反映，希望佢哋正視呢個問題，佢竟然好輕佻咁同我講：下次啦，下次加咗價就大份啲。佢好似應付自如唔休做咁（我諗都唔少人反映過）。你加你嘅事，我理得你啊，態度差，又細份，唔捨得俾人食咁，但係一啲都唔平，仲要好咸兼難食，唔會再有下次。

其實咁舊式的店鋪我已經好少會入去食野，但因為機緣巧合，有一次晏晝喺深水埗拜完神，我覺得好頭痛好熱，咁啱經過門口有人大嗌凍奶茶外賣我係奶茶愛好者，所以我就入去坐坐試咗，我叫咗凍奶茶同埋奶油多！我覺得2樣都好好味！奶油多雖然等得耐左少少🤏但脆卜卜幾好味 奶油🧈足夠 ！奶茶亦是舊時細個的奶茶味！我很喜歡💕所以這次我拜神後又再次光顧也是第二次光顧時拍攝的今次店面比較少人，所以上菜速度很快味道依然係我理想中的味道👅題外話： 呢度有個水吧偏黑皮膚的男生，好似係以前閃電傳真機一個男主持

其實這處已經係經常去食，食物質素是一般，佢嘅蛋牛治係最出名嘅，不過其實都係普普通通。我自己最鍾意嘅係佢嘅啡走，味道相當濃郁很有回甘。不過呢類街坊地踎餐廳有一個最大的問題，就係衛生。我在這裏食見，過很多曱甴，餐具污糟。有一次叫咗碗沙嗲牛通，上到枱以為正正常常，點知食咗幾啖先至發現個碗係燒到個底溶晒，而且起晒漬，衰過乞兒兜。佢個水吧都唔好得去邊，用嚟裝住啲冰嘅冰桶污糟到唔使恨，個師傅攞出攞入去攞冰，都唔發覺個手柄起晒老泥漬，嗰啲泥厚度一塊塊攣起咗，隨時跌落個筒裏面。不過佢係唔會理嘅。可以咁樣講，你呢度食嘢係食過風味，污糟邋遢係一定嘅，所以如果你想食呢種風味就要抵得佢。其實佢點解咁多人幫襯，其中一個好重要嘅原因，就係佢啲食物算係OK，價錢就好平，算係街坊價，符合深水埗嘅人均消費。

平日早上11點多一個人光顧，搭枱，不用等位。Keep住有客人，有街坊也有遊客，但turn over快。員工態度好，落單快。沒有set的，只有單點。點了烘底蛋牛治$24，和凍檸茶$18。最低消費$25。蛋牛治烘底夠脆，雞蛋和牛肉正常，不算特別香濃，份量正常，簡簡單單做早餐是不錯的選擇。另外，建議提供多點牛油會更好味。凍檸茶點了少甜少冰，價錢略貴，比一般茶餐廳細杯，不值$18。味道好喝，少甜真的不太甜。

早上有事出深水埗，順便食埋早餐，一直都聽講呢間嘢好出名日日都好多人排隊，就想試一試蛋牛治之後還點了一杯凍奶茶（本人日日都飲奶茶）蛋牛治正正常常不過不失，但杯凍奶茶係隔夜嘅，同佢講就話佢地嘅奶茶係咁，奶茶一飲就有好大嘅餿味，仲要死撐，一定冇下次呢啲老店一直都代表着香港飲食文化，好多人會慕名而來，但一間有蟑螂的鋪面，單單買外賣的時間就已見到幾隻爬過，呢啲老店服務、環境味道等一直都唔改善，本地人去食都接受唔到，何況遊客

今日去咗深水埗新香園(堅記)港式大排檔食野✨ #kg_九龍 招牌菜烘底蛋牛治($24), 牛肉係用新鮮牛肉即點即做，麵包烘得啱啱好，保持到麵包本身嘅軟綿同時帶點香酥，香甜，可以一試！南乳豬手撈面($43)嘅豬手大件同夠腍，但唔算入味，麵質都彈牙嘅；豬潤牛肉公仔麵($37) 就有點overrated，普普通通；紅豆冰太甜，而且相對黎講唔係好抵($21)，唔需要特登試～🤣 環境比較逼夾，而且基本上都要同人搭枱，介意嘅朋友可以去新店，應該會坐得舒服啲同乾淨啲(˶‾᷄ ⁻̫ ‾᷅˵)整體嚟講價錢味道合理，但冇乜驚喜，如果嚟嘅話可以試試蛋牛治！٩(˃̶͈̀௰˂̶͈́)و新香園 (深水埗)深水埗汝州街186號地舖

一直在這家吃 好幾年 之前也見過一些蟑螂 不過都是在牆上爬 也沒當回事 今天居然在碗裏吃出一隻死小蟑螂 跟服務員說了 服務員啥也沒說 直接把碗拿走了 然後就沒有然後了 真是服氣 以後不會再來 真不知道以前吃過多少隻這種老字號為什麼不能愛惜點名聲 很多人都是慕名而來 生意也是火爆但這樣搞下去 只怕會毀了這個招牌 很多大陸人過來也是看了推薦過來的 給大家一點建議 味道很不錯價格很便宜衛生很差很髒環境差基本5 6個人擠一個小桌 走路都困難有最低消費25一個人 但這個說句實話還算合理 大家就不用抱怨了對環境 衛生有要求的就不要考慮了

已經吃了很多年這一家 基本每次來深水埗都會幫襯我可以接受合理的漲價幅度 但是最低消費確實很惡心人具體來說 以前最低消費22還是23 蛋牛治烘底剛剛好23 我沒有意見現在漲價後蛋牛治烘底24 最低消費25 然後逼我給多一塊錢補齊 這個很惡心你完全可以直接漲價成25 然後飲品-1元 效果是一樣的 但是沒有給我一種感覺:缺錢缺成要整這些花里胡哨的地步

之前吃過牛治，冇乜特別，天氣悶熱想吃點湯粉麵易入口，點了豬潤麵，餐牌見是豬潤牛肉，上枱只有豬潤，反正冇乜胃口又趕時間，約咗人，快食完就算，豬膶冇味還帶點腥味，鞋很難吃，快食完碗米粉便走

行經深水埗終於抽到時間食堅記啦🤤，蛋牛治烘底真係每次經深水埗都會食～糧尾恩物！仲有鮮油多奶油多都係我最鐘意既💓食粉麵一定要落自家製辣椒油，夠辣之餘好香既蒜頭味！食茶餐廳一般我都會飲凍奶茶，但堅記仲有我最愛既玻璃樽可樂所以一定要叫！！糧尾就唔一定淨係三餸飯同麥當勞選擇，食堅記都係好好既選擇～舊式茶餐廳，環境都好乾淨企理！食過其他店既「蛋牛治」但都好失望，因為麵包冇牛油香蛋超級乾牛都冇味～堅記既蛋牛治就係最好食既🤤

朋友推薦食過會再食既牛治，我一聽，初初唔信，以為普通牛治加上食完中午飯飽飽地，食唔落成份，如果食唔曬叫佢幫我食一半，朋友笑我點會有得剩低呢！佢每次叫一份都剛剛夠食，叫我試左先再講，點知食左一啖後好味wor,係有水準，味道獨特，又烘底，香噴噴，食下食下食鬼曬，冇留俾佢！奶茶☕️係保留到傳統茶香味，識飲更係叫茶走，雖然會肥，好難忍口，因為要配搭牛治。仲有好多野想食，留返下一次，豬手麵係計劃下次食中….