Steak Bar (已結業)

星期日中環人唔多，當然帶男朋友到返工地頭覓食。由於我地經常下午出沒，當然是嘆下午茶！ 蘭桂坊唔一定去蒲，可以去食扒既！男朋友由上星期已經想鋸扒，今日就去左steak bar。佢想鋸扒所以佢發板，叫了頂級肉眼牛扒，配有豆腐、沙律及飯。 豆腐很滑，沙律沒特別，飯素很好吃！男朋友order的肉眼扒叫了五成熟，也是比較推薦五成熟，因為可以保留肉汁及嫩滑，先夠juicy。 切開可見仲有肉汁！ 配上鹽及燒汁食用，吃不停呢我就鐘情小食，蜜糖蒜香雞翼是我的最愛！雞翼皮脆及帶蜜糖甜味，食一打都得！不過無乜蒜味都好，唔會口臭！仲有濃厚的蜜糖可以繼續點。原本猶豫緊到底叫和菜紫菜薯條定芝士粉薯條，最後見到餐牌有個牛logo就知道係推介，簡左和風紫菜薯條！M記shake shake 薯條的進化版，更加好食！ 每一條薯條都沾上紫菜，底部的也是，絕對不hea! 下午茶時段享受美食，令假期過得更美好，很滿足！整體而言，環境有氣氛，很舒服很chill，即使是下午茶時段下層也坐滿客人，服務態度很好！