凡高廚房

營業中

休息中

上一次疫情期間過嚟，人唔算多，但今次假期過嚟，估唔到已經枱枱爆滿！所以建議大家想過嚟食最好book枱先～俄羅斯野菜湯野菜粒多，口感豐富。精選餐湯（忌廉湯）廚師晚餐推介$498煙三文魚帶子塔帶子鮮甜，仲配有大蝦🍤田園沙律普羅旺斯式炒田螺好少見又好特別嘅前菜！田螺肉口感彈牙，搭配綿滑薯蓉，兩種食物出乎預期嘅夾！波士頓龍蝦及法國香蔥忌廉汁意大利飯超大隻嘅龍蝦🦞，龍蝦面層鋪滿芝士，輕輕用叉已經好快起到龍蝦肉，意大利飯份量都好多，搭配龍蝦肉同忌廉汁，令到口感更加豐富有層次。健康晚餐 HA $268（素）黑松露露筍什菌無麩質忌廉意大利粉超級多露筍！意大利粉每一條都掛滿忌廉汁，表面有大啡菇，意大利粉內有細菇菌，口感豐富，又令到意大利粉更加健康。藍莓芝士蛋糕🍰Natvia法式焦糖燉蛋口感滑嫩，甜而不膩。有幾個角落都好靚，好啱打卡，感覺比藝術氣息包圍。