影片
更多
2018-08-11
96 瀏覽
一直都有聽過人講呢間四姐，朋友話打黎BOOK枱都要預返一個星期，超級誇張！今日終於同到個無辣不歡既朋友黎試呢間川菜。一坐低就感覺到濃濃既中餐氣息，碗碟、餐牌都係走中國風既路線，枱布都算整潔，一坐低就已經諗定食咩野。點菜方式幾得意，按人頭點菜，每人劃一收費，冇加一。我同朋友都係嗜辣之人，點左兩個涼菜、三個熱菜都係辣既！涼菜分別係口水雞同涼麵。口水雞同預期既分別不大，一黎到見到啲辣油我已經流哂口水，輕輕同底部既配料搞勻，就傳出一陣麻香。雞件咬落好軟身，醬汁加埋落雞肉度唔算太辣，偏香味多啲。骨唔算太多，而且雞皮唔油膩。比較欣賞既係佢唔會咬咬下出現啲碎骨，破壞整個口感。一開始以為涼麵係好細份，岩哂我地一人一啖就食哂既前菜，點知黎到係咁大碟，有小小嚇親。店員送到上枱之後，會係我地面前撈一撈個麵，等啲醬料同個麵底勻小小。同樣係好香麻味，不過入到口都唔係太辣既，醬汁小小鹹，成個麵好岩做前菜，涼涼地，夠開胃。糖醋里脊、水煮魚、辣子蝦，三份熱食，我最鐘意水煮魚！一開始黎到係出哂煙，熱辣辣，見到我已經流哂口水，即刻夾一舊入口，點知勁熱，係燙口既熱！魚肉好滑，就咁食既話唔太辣，但如果加多小小水煮汁一齊食就有
一坐低就感覺到濃濃既中餐氣息，碗碟、餐牌都係走中國風既路線，枱布都算整潔，一坐低就已經諗定食咩野。
點菜方式幾得意，按人頭點菜，每人劃一收費，冇加一。我同朋友都係嗜辣之人，點左兩個涼菜、三個熱菜都係辣既！
9 瀏覽
0 讚好
0 留言
11 瀏覽
0 讚好
0 留言
6 瀏覽
0 讚好
0 留言
8 瀏覽
0 讚好
0 留言
涼菜分別係口水雞同涼麵。口水雞同預期既分別不大，一黎到見到啲辣油我已經流哂口水，輕輕同底部既配料搞勻，就傳出一陣麻香。雞件咬落好軟身，醬汁加埋落雞肉度唔算太辣，偏香味多啲。骨唔算太多，而且雞皮唔油膩。比較欣賞既係佢唔會咬咬下出現啲碎骨，破壞整個口感。一開始以為涼麵係好細份，岩哂我地一人一啖就食哂既前菜，點知黎到係咁大碟，有小小嚇親。店員送到上枱之後，會係我地面前撈一撈個麵，等啲醬料同個麵底勻小小。同樣係好香麻味，不過入到口都唔係太辣既，醬汁小小鹹，成個麵好岩做前菜，涼涼地，夠開胃。
13 瀏覽
0 讚好
0 留言
12 瀏覽
0 讚好
0 留言
20 瀏覽
0 讚好
0 留言
13 瀏覽
0 讚好
0 留言
糖醋里脊、水煮魚、辣子蝦，三份熱食，我最鐘意水煮魚！一開始黎到係出哂煙，熱辣辣，見到我已經流哂口水，即刻夾一舊入口，點知勁熱，係燙口既熱！魚肉好滑，就咁食既話唔太辣，但如果加多小小水煮汁一齊食就有啲刺激感！最令我吃驚既係，個魚放左係度一段時間，都仍然係勁熱，保溫做得好好，去到後期再食個魚就會好有麻香，而辣味都豐富左好多！糖醋里脊個貌相好似咕嚕肉，但咬落係冇骨既，外皮好脆，醬汁夠濃稠，而且唔會太酸，比咕嚕肉仲多左份嚼勁，係一個幾岩配飯既菜！最後辣子蝦個蝦殼真係唔讚唔得，蝦係中間開左邊，而且蝦肉炸得剛好之餘，蝦殼係好脆身，可以連肉一齊咬碎咁吞，好正！建議熱菜黎到就可以叫定個飯，如果啲辣味卡左係喉嚨都可以食啖飯中和下！
張貼
