更多
2008-06-15
13 瀏覽
六月十一日(三)今日去接老婆收工,搭地鐵去時候話葵芳有事故發生受阻延,咁岩我地又揀左去葵芳行,不過都照過去,後尾先知原來係有個阿伯俾車吸左埋去....去到葵芳行左陣已經肚餓,本來都有o念過試果間西餐廳原來執左開意粉屋,烏冬前排又食得太多赤丸,於是就去番全港得尼度有既小雨天~滑雞、豬腸小窩米線($28)食左咁多次覺得最好就係尼款窩仔米線,因為湯底多配酸菜、炸醬等配料更香濃外,餸可以自選,靚湯底加上自己喜愛餸絕對會更加好味~ 豬腸依咁香同入味,滑雞亦都真係滑,而且算大舊,配合埋米線真係唔錯~骨湯牛丸公仔麵($24)想試下尼度湯底配公仔麵所以叫左尼個,發覺原來都係米線同個湯底夾d,用黎配公仔麵要刻意飲多d湯先平衡到麵同湯味道,米線味道淡D突出到湯底配合上好D,公仔麵用出前一丁都唔錯~鹵水雞翼($20)味道依然keep得唔錯,好入味,鹵水汁味道亦都唔錯,亦無之前咁凍~但只得六隻,記得以前好似唔止咁小。仲貴過加餸$4兩隻,下次唔會散叫~蒜泥白肉($20)蒜泥唔夠細好似蒜粒咁,辣醬放係一邊要自己撈埋,白肉肥左d,似腩肉片,不過唔會鞋都唔錯,但撈埋辣醬都係辣味為主,唔夠香~凍檸茶(+$5)幾大杯,味
今日去接老婆收工,搭地鐵去時候話葵芳有事故發生受阻延,咁岩我地又揀左去葵芳行,不過都照過去,後尾先知原來係有個阿伯俾車吸左埋去....
去到葵芳行左陣已經肚餓,本來都有o念過試果間西餐廳原來執左開意粉屋,烏冬前排又食得太多赤丸,於是就去番全港得尼度有既小雨天~
滑雞、豬腸小窩米線($28)
食左咁多次覺得最好就係尼款窩仔米線,因為湯底多配酸菜、炸醬等配料更香濃外,餸可以自選,靚湯底加上自己喜愛餸絕對會更加好味~ 豬腸依咁香同入味,滑雞亦都真係滑,而且算大舊,配合埋米線真係唔錯~
骨湯牛丸公仔麵($24)
想試下尼度湯底配公仔麵所以叫左尼個,發覺原來都係米線同個湯底夾d,用黎配公仔麵要刻意飲多d湯先平衡到麵同湯味道,米線味道淡D突出到湯底配合上好D,公仔麵用出前一丁都唔錯~
鹵水雞翼($20)
味道依然keep得唔錯,好入味,鹵水汁味道亦都唔錯,亦無之前咁凍~
但只得六隻,記得以前好似唔止咁小。仲貴過加餸$4兩隻,下次唔會散叫~
蒜泥白肉($20)
蒜泥唔夠細好似蒜粒咁,辣醬放係一邊要自己撈埋,白肉肥左d,似腩肉片,不過唔會鞋都唔錯,但撈埋辣醬都係辣味為主,唔夠香~
凍檸茶(+$5)
幾大杯,味道唔算突出,叫麵只+$5一杯幾抵飲~
感覺上比之前貴,另因蒜泥白肉麻麻,影響評分~
味道3.5
張貼