一鍋堂 (新都會廣場)

營業中

休息中

葵芳新開嗰間一鍋堂，荃灣同旺角兩間成日排長龍，開咗間咁近屋企，梗係要來試吓。同屋企人一齊嚟到呢間一鍋堂, 入面嘅座位都很多，門口都闊落。用電話下單， 上菜速度又快， 係我欣賞嘅地方首先係肉類，最貴食一定係牛。 呢度牛都好有質素，有牛味。 牛脷心托比較煙銀， 封門柳有口感及牛味比較重，豬頸肉薄切又唔肥，仲要甜甜哋，都可以一試。素食類： 推薦竹笙， 平時出街食好貴。粟米夠甜。 丸類： 流心豆腐芝士， 墨魚滑夠新鮮。 海鮮類： 蝦都好新鮮， 沙白比較細但都新鮮冇咩沙。魷魚爽口彈牙， 白鱔片係我最愛， 又滑又夠魚味。 仲有必試長蟹棒。 內臟： 鴨血, 金錢肚, 豬肚，牛柏葉 等等都新鮮， 呢啲自己出街買都好貴。 自助區有蔬菜、 飲品區、 雪糕區，熟食區沙律巴等。 安格斯牛柳可以一試，好有肉汁同埋都好Juicy. Last order 後就食雪糕， 好飽好滿足， 每人埋單都係2百幾左右， 食物質素有保証。