一鍋堂 (新都會廣場)

營業中

休息中

天氣開始轉涼，係時候不停去打邊爐🤣今次就同朋友黎到宜間好多分店既一鍋堂。餐廳好大間又企理。睇睇menu我地決定食高級澳洲和牛C餐，價錢跟入座時間決定（188至268一人），2小時任食，相當抵食。湯底既款式好多，我地研究完一輪決定要 一鍋潮汕湯 湯底。用左香港生曬大地魚炮製，打邊爐之前飲啖湯，湯既味道鮮甜又濃郁，仲有淡淡既豬骨同胡椒味，特別又惹味。選好湯底之後我地就坐低用QR code落單喇。宜度既牛肉選擇好多好多，例如有 封門柳，手切牛脊肉，300天安格斯牛肉 。當然唔少得主打既 澳洲M5和牛板肉 啦，一睇花紋就知靚😍影幾張close shot就即刻食喇。肉質勁軟稔呀，入口即溶既感覺。宜度既海鮮都係任食既，有海蝦，沙白，珍珠貝，白鱔片，全部都好新鮮呀，要encore。丸類都有幾款好特別既，例如醬爆瀨尿牛丸，蝦滑釀油炸鬼，估唔到任食邊爐都有咁有心思既食物呀。瘋狂食肉之餘梗係要飲d飲品。雖然餐廳原本都好多好多飲品，仲有自家製花茶涼茶，難得星期五想啤啤佢，我地就一人一杯做緊🍺優惠價68蚊買一送一既藍妹啤酒🍻開心share。除左電話落單，餐廳仲有自助區域可以自己拎其他小食，熟食同菜。食到最尾梗