長阪燒 (已結業)

行完朗豪坊嘆完冷氣買完嘢😛肚仔見餓又係時候開餐啦！日本迷友人提議咗去附近呢間華麗日式裝修嘅居酒屋chill吓🇯🇵WHY NOT?! 一於扮去咗轉日本🤣🤣量完體溫我哋揀咗坐有feel啲嘅bar枱位置！唔好講咁多即刻喺午市供應嘅餐牌秒速order好想食嘅嘢先！. 首先報到嘅係跟餐嘅 和風沙律🥗 ＆ 是日小食(涼拌海蜇) ＆麵豉湯！用嚟打開胃口準備 迎接跟住上嘅美食啦👌. 原條汁燒鰻魚丼嘩嘩嘩😍係超巨大！原！條！鰻！魚!!! 必點之選！！！唔止睇得！表面微焦但肉軟嘅鰻魚係真材實料！魚肉同飯之間仲放咗勁邪惡嘅流心蛋！連汁帶鰻兼蛋液加埋伴碟嘅紫洋蔥撈埋！每一啖食入囗都係感動❤️. 燒雞扒烏冬🐥雞扒都燒得好靚！連埋唔會煮得太腍嘅湯烏冬一齊食唔錯嘅！不過對比落個超正鰻魚飯到就變咗平庸咗少少咁囉😝😝. 南瓜天婦羅粉薄又無炸到油膩膩！南瓜夠甜！啖啖卜卜脆！. 茶碗蒸震騰騰！開心心！好滑呀！而且蛋味好足！入面應該有嘅冬菇, 雞肉, 蟹柳都有齊！. 芝麻雞翼醃得夠惹味又炸得香脆！雖然Be係無酒精生物…但想象到如果用嚟佐酒應該好合適🍻