莆田 (PopCorn 2)

營業中

休息中

好友相聚要搵番間舒服好座，食物質素好嘅餐廳🍴，故我就選擇咗呢間位於#將軍澳 #PopCorn 之#莆田。餐廳呢期有必食推介的海蠣，我哋都💕鍾意食蠔，故就點左2款同埋其他小菜黎食囉🤗。福建特色海蠣煎，真係必食推介之一，外表煎炸到金黃色，入口美味，海蠣粒粒都肥嘟嘟，唔腥而且唔會覺得好油膩。海蠣煮泗粉，海蠣雖然細細粒，但係好飽滿肥美，口感鮮甜爽滑，湯底濃稠, 但唔會好鹹。百秒黃花魚，做緊半價好抵食，沒有將貨就價，魚有骨食嘅時候要細心啲，肉質鮮滑幼嫩。芋香鴨，外層炸得鬆化脆口，我好鍾意食芋頭鴨肉，此菜式可滿足我。家常豬蹄凍，晶瑩剔透，入口好像啫喱，滿滿的骨膠原，好滋味又養顏。瑤柱燴絲瓜，瑤柱份量都多，絲瓜鮮嫩，味道調得很恰到好處。