外灘拾號 (已結業)

同老闆個食飯，在附近揾間高級野食，出公數無所謂啦。客人係蘇州人，上海野都啱佢食，呢度環境幾高級，又舒適，服務都唔錯。我叫咗鐵觀音茶，上等賃，夠茶香，客人都讚。個火焰菠籮咕嚕肉，真係夠晒睇頭，㸃左火，成個菠籮蓋烘熱，開蓋好香，其實酸甜汁做得好，但咕嚕肉腍身左，其實唔燒著佢重好，燒左D肉重腍，但菠籮夠多，OK。上海雪菜肉絲炒年糕，要讚鑊氣夠，炒得夠爽身，雪菜有鮮味沒死咸，肉絲淡口不鞋，D年糕軟糯煙韌有米香，好彈，又索到少少汁，好食好送飯。個帶子蝦多士，蝦膠做得好，帶子又新鮮，但好油膩，個客好like 呢款港式fusion，我麻麻。