蝦蝦燒 (已結業)

天氣熱辣辣突然好想食燒烤，第一時間就諗起位於荃灣有間「蝦蝦燒」，呢度冷氣充足環境寬敞，乾淨企理。海鮮及燒烤食物種類多，可以任飲任食2.5小時👍店員安排了四人枱給我們，枱嘅旁邊有條流水蝦道，可以即刻捉即刻燒好方便！餐廳中間位置擺放了大量食物以及有幾款熟食，特別推介咖喱魚蛋同辣酒煮花螺，魚蛋好爽口彈牙咖喱好香濃，花螺煮得好入味，正！海鮮區有好多新鮮生猛海鮮，有花蟹、魚、花甲、花螺、扇貝、帶子及新鮮魷魚等，大量供應比起我上次嚟嘅時候海鮮多了好多款。串燒亦有牛、雞、豬同羊肉，每一款都有不同口味選擇。另外仲有蔬菜、丸和腸，超過過百款美食。飲品基本上都好齊全，啤酒都係任飲！最後當然食我最鍾意嘅雪糕做甜品，呢一餐非常滿足！