Homeland (荃灣廣場)

營業中

休息中

其實好少去荃灣呢邊食飯。咁岩去開呢邊。同約咗家姐一家慶祝姨甥仔生日。本人又唔鍾意食啲連鎖店。咁啱上次喺IG見到人哋食過呢間餐廳。咁就去試吓啦。第一次選擇呢間餐廳。感覺唔錯。都會有驚喜嘅位置。嘢食方面擺設非常精美。睇得出都係有用心機去擺設食品。最好就係可以叫甜品可以幫忙寫「生日快樂」，小朋友看到都好開心。個漢堡包勁正。職員會先問你要不要影相？影完相先開始整芝士落去漢堡包上面。仲有時間俾我錄影。好開心。個pizza都非常之好味😋個冬陰功闊條麵先正。好香冬陰功味連小朋友都可以試到。個兒童餐都好精美，仲可以俾小朋友選擇車嘅顏色。小朋友都好開心。但整體服務員有禮。衞生整潔就可以再處理得妥當啲。因發現地下不是太清潔。同座位上都好多殘餘嘅食物。大致上都其實都會推薦朋友嚟試吓呢間餐廳。本人都會比85分🥰最後。最貼心就係餐廳會送一張即影即有，仲要幫我哋影得好好。勁開心。