校長燒肉日韓料理 (沙咀道)

營業中

休息中

同事大半個月前已經bk定黎食lunch，好抵食嘅lunch 燒肉放題！88蚊一個人，燒肉任食，嘢飲任飲，仲有d熟食！校長係用油紙擺底黎燒，無咁易窿，換紙都方便！燒嘢種類頗多，基本上同平時两三百果d差唔多！肉類菜類都多選擇，一定搵到自己中意果款！連雞軟骨果d都有，燒黎食真係一流！有醬料區可以畀人自己揀，種類都多選擇！仲有ice cream 可以任食，唔差添！總括黎講，嘢食質素平常，但咁嘅價位，又畀得咁多選擇，真係唔挑剔得咁多！鋪頭抽風做得幾好，全程唔會畀煙攻親，有機會會再幫襯！