牛一 (已結業)

而家一個月都黎一次荃灣，呢邊越來越多野行。不過係愉景新城入面既餐廳都偏貴，我地都會去其他廣場搵野食。又見到牛一又新開，作為Fans既我一定要食！今次湯底就叫左干貝清湯，果然真材實料，勁多干貝！所以味道都好濃郁！玉子豆腐都好滑，入口即溶，不過唔好煮太耐，會爛哂！美國極上牛肉正，再黎都碟海蝦！海蝦非常新鮮，仲好彈牙。多一個選擇可以唔洗成日食牛食豬咁悶啦～其實都有蠔，不過我朋友唔食得，我今次就唔叫住啦😢牛肉色水都好靚，脂肪分佈平均，滾幾下就食得！最後一定要食佢地既乳酪雪糕，非常好味！自由配搭既味道，仲係任食架！