醉潮館

營業中

休息中

今日朋友帶我去荃灣嘅一間特色菜，裏面嘅裝修古色古香，真係一面食一面可以懷緬過去，雖然地方唔算太寬躺，但係勝在招呼一流，哥仔動作爽快，有求必應，今時今日香港嘅呢種服務態度真係好難得啊。首先嚟咗一味滷水拼盤，裏面有紅腸，豬腸，豆腐，墨魚，同埋五花腩，最重要嘅係仲有我最愛嘅流心蛋，份量好大，而且夠晒入味，留心蛋嗰心雖然唔係好流，但係夠晒眩惑，墨魚爽口，點上佢哋比嘅醋，酸酸地，好滋味，豬腸，唔算好油膩，勝在入口彈牙，又厚身，真係減肥都唔理得咁多啦。沙嗲牛肉炒芥蘭，沙嗲牛肉嘅份量超多多到睇唔到芥蘭，牛肉食落覺得係新鮮牛肉，因為好有牛肉味，完全唔會覺得用好多粉去醃過，芥蘭炒得好有鑊氣，而且有清脆，果然好味。仲有呢碟係盤龍鱔，呢度只係半條，呢條線，超級肥美，最緊要嘅係正嘅火候啱啱好，唔會太過火，入口香口軟滑，但係食多兩舊都真係有啲流流地嘅感覺。