天 · 悠蔬食 (已結業)

放假日，覓食日。囡囡放我半天假，立即約閨蜜出街放鬆下，閨蜜話要帶我去荃灣呢間素菜館，好食又健康之餘，仲有個好精緻嘅Candy corner，而且仲有靚靚打卡位。好適合一家大細光顧嘅素菜館。一行二人行完街立即去體驗下。💎 蘆筍素香鬆苜蓿芽手卷 $28棄用傳統制作手卷嘅方法，用苜蓿芽代替米飯，紫菜脆，口感爽口。💎 香芒牛油果苜蓿芽手卷 $28配上芒果同牛油果，口感甜甜酸酸，更見醒胃。💎 日式咖哩野菜吉列新漢堡扒飯 $88漢堡扒用上芋頭煎香再炸，芋頭味香，炸完香口，配上咖哩汁送飯一流。💎 和風素鰻魚炒飯 $88鰻魚配上蛋液炒飯，火候夠，飯粒乾身同分明。💎 紫薯乳酪蛋糕 $38午市套餐的話加$18就可以享用，紫薯味濃，乳酪味香。人均消費💰 ： ＄ 150總結✍ ： 食物新穎，打破傳統制法。店舖感覺温韾。