新澳咖啡餐室 (民泰街) (已結業)

室內環境裝修好有香港特色，放咗一啲香港特色嘅擺設品，門出面另外有兩張枱，可以帶狗狗一齊茶餐廳，亦方便吸煙人士。天氣咁凍食完午餐，晏晝好快肚餓， 五點幾六點去到紅磡附近買下過年嘅嘢， 平時多數喺度食晚飯，佢嘅焗豬扒飯，非常出色! 今日好肚餓，嗌咗個全日茶餐試下。火腿炒蛋配豬仔包(蒜蓉)個包好脆， 蒜蓉夠香!個炒蛋師傅有料到，好滑好香，唔肥火腿凍咗少少，放落个面度都ok。沙爹牛肉面~沙爹牛肉個汁好滋味，個湯底好濃， 應該用咗雞湯，食到最後忍唔住飲曬， 冇味精真材實料。加個地道奶茶~奶茶夠奶，茶夠香，品質中上。