影片
更多
2017-08-08
2323 瀏覽
一鳴拉麵係大埔區嘅地區小舖，明星都會幫襯。作為地膽嘅我，今日就帶朋友嚟食一鳴。咁啱全店滿座，好彩等左陣就有位，但就要同人共用四人枱。全店除左吧枱坐位，就只有三張四人枱同一張二人枱。二人枱側邊牆紙上就有一碗好巨型嘅拉麵。一入嚟店員就好醒目咁奉上冰凍檸檬水，抵讚中午有午餐就平啲，夜晚就只有散叫，但價錢都好合理!一鳴以拉麵為主打，嚟到梗要叫返碗拉麵，主要有五款。點選嗰陣有少少秘訣，就係假如你叫兩碗麵，可以喺嗰款拉麵隔嚟寫住A同B做標記，再喺麵條、麵質、細蔥、配料、唐辛醬每個分項側邊又寫低A同B，咁店員就會知道你嘅選擇架喇，一張紙搞掂晒，既方便又環保。通常一入嚟，我最緊要就係睇吓黑板寫嘅限定。鳴係咩! 即係期間限定，每隔一段時間就會更新架喇，所以想食要快! 今日限定。鳴係芫茜豬骨濃湯!!! 唔食蔥嘅我，又極之鍾意食芫茜，係芫茜控，梗係要叫嚟試吓啦~ 限定。鳴$88 ︰芫茜豬骨濃湯、內有叉燒及帶子、太麵(即係曲麵)、麵質(普通)、細蔥(走蔥)、配料(叉燒)、唐辛醬(不要)。帶子有三粒，微微燒過︰叉燒有三片，肥瘦適中，夠嫩滑，可惜略嫌細塊。糖心蛋無可挑剔︰因為選擇左太麵(即係曲麵)，掛湯能力特別高
全店除左吧枱坐位，就只有三張四人枱同一張二人枱。
二人枱側邊牆紙上就有一碗好巨型嘅拉麵。
一入嚟店員就好醒目咁奉上冰凍檸檬水，抵讚
中午有午餐就平啲，夜晚就只有散叫，但價錢都好合理!一鳴以拉麵為主打，嚟到梗要叫返碗拉麵，主要有五款。點選嗰陣有少少秘訣，就係假如你叫兩碗麵，可以喺嗰款拉麵隔嚟寫住A同B做標記，再喺麵條、麵質、細蔥、配料、唐辛醬每個分項側邊又寫低A同B，咁店員就會知道你嘅選擇架喇，一張紙搞掂晒，既方便又環保。
通常一入嚟，我最緊要就係睇吓黑板寫嘅限定。鳴係咩! 即係期間限定，每隔一段時間就會更新架喇，所以想食要快! 今日限定。鳴係芫茜豬骨濃湯!!!
唔食蔥嘅我，又極之鍾意食芫茜，係芫茜控，梗係要叫嚟試吓啦~
限定。鳴$88 ︰芫茜豬骨濃湯、內有叉燒及帶子、太麵(即係曲麵)、麵質(普通)、細蔥(走蔥)、配料(叉燒)、唐辛醬(不要)。
帶子有三粒，微微燒過︰
叉燒有三片，肥瘦適中，夠嫩滑，可惜略嫌細塊。
糖心蛋無可挑剔︰
因為選擇左太麵(即係曲麵)，掛湯能力特別高，每條掛左好多濃湯，麵質彈牙。個湯底除左加左好多棵芫茜，仲將芫茜攪成蓉放入湯底度煮，所以每啖都有好濃郁同獨特嘅芫茜味，口感厚重。第一次食芫茜味拉麵，估唔到又幾夾，好好食，我好鍾意。
朋友叫左一鳴(豬骨濃湯拉麵)$72，佢話鍾意原汁原味，同樣係叉燒三片、糖心蛋半隻、紫菜兩片、筍少量。直麵、麵質(軟)、細蔥(多蔥)、配料(叉燒)、唐辛醬(不要)。試左啖湯，我覺得都幾濃味，唔太油膩又唔太咸，唔錯!
鹽燒雞翼(一串兩隻)$18，係即叫即燒，所以要等耐啲。上枱時熱辣辣，外皮脆口，肉質幾辣滑，可惜味道偏咸!
大埔區拉麵店唔多，呢度拉麵水準唔錯，價錢合理，地區小舖，值得支持!
張貼
