300
27
19
港鐵大埔墟站 A1 出口, 步行約7分鐘 繼續閱讀
電話號碼
35655415
開飯介紹
拉麵主要有五款湯底,麵條及麵質均可自由選擇,另有各類小食提供。 繼續閱讀
營業時間
今日營業
12:00 - 16:00
18:00 - 23:30
星期一至四
12:00 - 15:30
18:00 - 23:00
星期五
12:00 - 15:30
18:00 - 23:30
星期六至日
12:00 - 16:00
18:00 - 23:30
付款方式
AlipayHK 支付寶 現金 八達通
座位數目
25
其他資料
Wi-Fi
酒精飲品
自帶酒水
泊車 詳細介紹
外賣服務
加一服務費
當面支付
食評 (370)
等級4 2020-09-21
350 瀏覽
今日放假陪媽媽出嚟大埔街市買嘢,買嘢之前就搵餐廳食午餐先,想食日本野,近近地附近有間都幾好多好評既餐廳,一於就係到食lunch 😗😗晏晝一點幾,估唔到都幾full,小店唔算大大概可以坐10幾人,啱啱好剩返兩個位,唔使等😆有午市拉麵套餐,每款$60 ,可以加飲品同埋小食。我哋就一人叫咗一個餐😬一碗一鳴拉麵,一碗黑蒜。鳴拉麵🍜店內嘅環境都做到好似日本咁,好多日本嘅poster落完單先見到有個夏日限定嘅拉麵或者烏冬,都幾吸引🥺🥺我哋坐係吧枱可以睇住師傅整嘢食🤪啲碗碗碟碟都放得好企理,真係好似去咗日本嘅拉麵店,細細間,得一兩個員工😝😝首先嚟咗兩杯飲品,一杯係西柚梳打,另一杯係青檸青蘋果梳打。個人比較喜歡西柚梳打,酸酸甜甜,又醒神又開胃!青檸青蘋果梳打就比較甜,建議少甜比較好😬首先係我個碗黑蒜。鳴拉麵麵我揀左直麵配叉燒,個湯底超級濃😍😍超香黑蒜油味,食落口唔會好油。隻糖心蛋啱啱好,食完半隻係唔夠喉,好想加多一隻🤣塊叉燒肥瘦均勻,都好淋,食得出有燒過/煎過!媽媽嗰碗係一鳴豬骨濃湯拉麵,佢就配豬軟骨同曲麵,試咗佢一啖,可能我個黑蒜油比較重口味,顯得呢一碗清啲,不過媽媽話佢覺得ok,豬骨味都好夠香濃!不得不提佢嘅豬軟骨好好食,入味之餘燜得好淋,唔會痴牙😝同埋佢呢碗加咗唐辛醬,小辣,真係微微既辣,幾正!仲有佢個曲麵比較彈牙,同埋粗身少少,如果下次再嚟食我會揀曲麵,啱我口味😝每碗拉麵仲加咗小食,餃子同埋炸雞各一。我幾鍾意食個餃子,尤其係配埋個青蔥醬油,好香口,裏面嘅豬肉餡料都幾多,唔錯唔錯。炸雞就乾咗少少,不過佢個沙律醬同普通嗰啲唔同,點埋炸雞都幾好食👍🏻總括來講,小店喺地鐵站附近都好方便,食完行過去街市嗰邊買嘢都好近,小店嘅裝修都好日本,兩碗拉麵都幾高水準👍🏻仲有就係午市套餐加埋飲品同埋小食,價錢算平,每人$100都唔使,好抵食😆 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-27
787 瀏覽
醫生話經常食自己會早死,繼續獨毒拉麵晚餐。坐錯位背光添,搵角度影靚相非常困難!發現附近有勁多大鄉里出城開飯,連劃點餐紙落單都唔識!黑湯、白湯、紅湯都唔知是什麼,唔識字?侍應們不厭其煩多次重複解釋,真係辛苦晒。發現點餐紙上沒有加底或加麵項目,那麼有信心份量必定夠您飽?原來放到最底,終於見到。士多啤梨梳打,罐裝飲品甜甜有氣,似氣水多於果汁沒怎樣特別。麒麟生啤,開開胃醒醒神,比朝日生啤稍濃,同樣清香!Asahi 生啤,我一向喜歡日本啤,味道清新透心涼!再次 First stop 食飽飽再轉好下場。半熟蛋,多謝請食蛋!靚蛋不用什麼調味,原味流心蛋黃已絕對甘甜香黏,蛋白滑彈。芥辣八爪魚,似乎自家撈製,偏咸偏乾悶悶的。鱆魚燒,巧遇老友在此工作,竟然食到老友親手造鱆魚燒比我食,運氣大好,驚喜的美味!當然趁熱食,甜酸度剛剛好,不咸不嗆不濁,清新可口精神煥發!外皮嚥韌,爆開燙燙甜美蛋漿,還有主角鱆魚粒。味濃彈彈,混埋木魚絲及紫菜粉,豪氣地成粒啪,豪氣暢快!餃子,點餐紙上無提過蒸煎還是炸,等待時真的十分期待,原來係炸餃子。新鮮出爐泛著油光,餃皮奇脆無比,餡料充足脹卜卜。菜肉塞得滿滿,食得到菜甜肉香,還有少少肉汁,沾上果醋能減低油膩感更可口。鐵板鱆魚粒,塊鐵板呢?可能午巿特別為我做,多謝師傅無拒絕我 特別要求。感覺似微波爐叮出黎,鱆魚粒雖然爽脆卜卜聲,但叮到乾爭爭。甜醬油跟鱆魚燒一樣,要趁熱食,放涼變得油膩。炸雞,其中兩件太乾太燶太硬,雞皮脆到薯片一樣索索聲,一咬便粉碎。另兩件較淺色正常得多,皮脆肉嫩而且雞汁濕潤慾滴,捲埋芥辣更開胃醒神,點解無鮮檸角既?焰鳴叉燒拉麵,硬太麵走蔥 3 倍唐辛醬加蟹柳帶子刺身,已包括味蛋紫菜竹筍櫻花蝦,五光十色非常豐富!厚切肥美嚥韌膠彈五花腩,油脂甘甜不膩不滯,豪不猶豫大大塊啖啖肉,勁滿足幸福!味付糖心蛋清香不濁不咸,蛋黃味濃郁漿漿黏黏大愛!日本蟹棒雙頭尖好易認,實淨質地魚肉清甜不過火。竹筍爽脆,無渣味道獨特。帶子刺身切薄三片質感廷廷,鹽漬所以咸的?沒有鮮甜味,怪怪的。撈勻三倍唐辛醬前,先來兩口原味辣湯。味淡水汪汪有微微辛辣味,隨即讓肉鬆唐辛醬與湯汁融合,變得厚厚黏黏糊糊。太麵捲著肉鬆掛著大量辣湯,大大口連湯帶麵細味,額頭汗珠冒出,辣得興奮!辣味濃烈有層次不單調,比達摩更出色!我要硬麵的,依個軟硬度只屬普通未能滿足到我,如果點普通應該會更腍。美味辣湯搭拉麵夾著肉鬆櫻花蝦更添火花,轉眼消滅!湯汁都差點給我全部盡收肚裡去。黑蒜油豬骨湯豬軟骨拉麵,硬直麵走蔥 3 倍唐辛醬,竹筍佳爽脆有少少渣,味付蛋可口回味。先來原味黑蒜湯,蒜味未見突出,被濃濃豬骨湯所淹蓋,幸好還有陣陣黑蒜香甜味。堅多豬軟骨,足足 5 大舊!鬆化肉質連住脆卜卜軟骨,咬到咯咯聲抑揚頓挫,悅耳有趣過癮!濃郁甜醬油味道,消減兩舊已有點膩。硬直麵竟然比硬曲麵更好食,質地更結實廷身有咬口,可以再硬一點,硬麵比軟麵能帶更多湯汁。大大注直麵掛上唐辛醬連大量湯汁大大力狂啜,惹味辛香,湯汁濃郁甜美,滿足滿足!再來連湯帶麵齊齊掃入口,湯汁灌得嘴仔滿滿,擁著拉麵咀嚼滾動非常,湯汁再熱一點會更舒暢!一鳴叉燒拉麵,硬直麵走蔥 3 倍唐辛醬加櫻花蝦,一鳴拉麵即基本豬骨濃湯。先來幾口豬骨濃湯,極濃厚杰黏稠豬骨湯,香醇甜美還帶著霸道豬肉味,隨後撈埋辣醬再品嚐。甜中帶辛,微辣惹味,飲到舔舔脷。直麵夠硬富彈性有嚼勁大愛。帶湯力超強,每啖水潤多汁,捲埋鬆軟肥叉同吃,依隻直頭係回鍋肉味道,十分有趣和味!廣島蠔叉燒豬骨湯拉麵,硬直麵走蔥 3 倍唐辛醬。輕烚廣島蠔超勁腥,嫩滑多汁滴滴!我自家烚必定要烚到微縮去掉腥味才會享用。豬骨湯沒有蠔味,明顯分開煮的。奶一樣的雪白,原味亦似奶一樣香濃甜味,撈勻辣粉再來幾口,香辣兼備黏黏厚厚滋味無窮!廣島蠔實在太腥,嘗試跟不同食材混合希望能掩蓋其味道,完全無效!頂硬上食晒去。黑松露醬忌廉湯叉燒拉麵,黏牙的曲曲硬太麵捲著紫菜捲著木耳絲,個湯硬係覺得似足忌廉蘑菇湯,跟日式拉麵完全唔夾,似食緊忌廉蘑菇意粉。湯汁厚杰,濃到有點濁欠清爽,只是有點膩,味道不錯的。磯燒鮑魚豬骨湯拉麵,硬直麵走蔥 3 倍唐辛醬加櫻花蝦。硬朗結實的直麵掛湯力特强,黏滿辣椒粉狂啜,興奮刺激胃口全開!薄薄的豬骨湯尚算甜味,加入 3 倍唐辛醬即時濃稠更惹味!瘦猛猛的叉燒給我混濁醬油味,並不討好。馬虎地用拉麵捲住美妙多了,櫻花蝦有著不少功勞,使得湯汁程現海味味道。磯意思係海邊的岩石,稱磯燒表示保持原汁原味的吃法,不過此鮑魚仔給不到這種感覺,幸好鮮彈帶有醬油味道。食過幾次限定拉麵最清爽最好味就係依碗,首次全部湯清掉,一滴不漏,恭喜恭喜!燒墨魚咀,生水味濃,墨魚味弱,過份沖洗欠缺鮮墨魚味,質地勁爽脆。醬燒雞腎,燒粒粒太細粒,食得不夠豪邁,全熟爽爽腎味香濃,試試無妨。海螺串燒,燒粒粒螺肉,嚥嚥韌韌,淡淡然的螺味。燒原條鰻魚,跟蒲燒差天共地。塗上厚厚濃味甜醬汁,減輕一點會舒服一點。薄衣衣瘦削結實不肥美不鬆軟,魚皮黐牙,整體唔難食。汁燒厚切牛舌,早前係紅磡食咖哩牛脷,成個脷尖隊出黎嚇死朕!眼前串燒都係成條脷隊出黎,好采無脷胎啫。堅大條呢!幸好清得脷胎乾乾淨淨,沒有太強烈的厭惡感覺。厚厚的熱熱的,軟塾綿綿有肉汁,不是爽彈類型,清香溫柔的醬油味不過份食得過。雞皮串燒,獨特長條形雞皮,焦香薄脆,甘香油潤鳳脂飛射,美味不油膩。落味得宜,燒得非常出色!汁燒帆立貝,先來焦香微脆,後到綿濕帶子肉,雖平凡但味道不錯。鹽燒秋刀魚,功力深厚燒得出色!雪藏秋刀亦保存得很好,肉質結實不霉。魚汁立立令,結實魚味香甜特濃,真的心滿意足!食得乾乾淨淨魚骨都損埋。魚腸魚脂非常肥美甘甜,忘記掉丟膽狀,直接嘴嚼膽汁爆開苦苦的。汁燒雞翼,竟然有碳燒焦香,是我的錯覺嗎?皮脆肉嫩,咬開噴煙熱辣辣,唧上鮮檸汁,提鮮百倍!汁燒雞肝,次次都賣晒,終於緣份到食到咯,食得到也未必好。雞肝真係幾乾硬下,跟蔥花蒜蓉蒜片完全唔夾,還有陣陣羶味,羶味來自雞血。 繼續閱讀
(以上食評乃用戶個人意見 , 並不代表OpenRice之觀點。)
大埔廣福道入一條街、圍住大明里公園d 舊樓o個o抖d 餐廳多不勝數,有都幾出名o既牛腩麵同豆腐花等等,簡直就係食街。今次o黎到,物色完一輪,最後揀o左過多一條街、一個相對比較靜o既角落o既一間拉麵店。餐廳鋪面唔大,出面只有數張檯,然後就係長條型圍住廚師o既bar 檯。係有d 窄,但淡黃o既燈光、牆上各類手繪同埋紅色布簾,整體上卻不失日式小店o既風情。五款拉麵入面我揀o左黑蒜.鳴($78 未加一),會在豬骨湯以外多一重自家制黑蒜油。一直都好鍾意黑蒜o既味道,比起黑松露,其實我更加喜愛前者,尤其黑蒜仲係近年大熱o既健康食材。實物o黎到,成碗湯都係黑黑o既一碗,黑蒜油落得非常之多,賺到了!湯底有住非常之濃o既蒜香,唐辛醬我圈o左少許,對我o黎講辣度剛好,提鮮得o黎又唔會過搶。叉燒同豬軟骨之間我揀o左叉燒,圓碌碌兩大片。麵都有兩個選擇,就選了簡單o既直麵,浸淫o係黑蒜豬骨湯之下靈舍好味,食完個麵我直頭要清你碗!呢間拉麵店唔只得拉麵食,仲有炸物、串燒玉子燒等等,試o左份汁燒帆立貝($38) 同埋汁燒雞翼($28)。個雞翼o既外層塗滿甜甜鹹鹹、令人流晒口水o既醬汁;帶子份量唔多,但係充滿bbq o既氣息,裙邊部份尤其脆口。飲品點o左士多啤梨一千零一夜($32),有住優雅o既名字。好大杯,亦落o左好多青檸同薄荷葉,再加入鮮甜、含真正果肉o既士多啤梨汁,巧妙咁衝擊你o既味蕾。 繼續閱讀
(以上食評乃用戶個人意見 , 並不代表OpenRice之觀點。)
本身唔熟大埔 估唔到呢個晚上偏靜既地方有咁高質既拉麵店🍜😛7:00pm黎到 一入就有位😍(如果遲多15-30分鐘 可能就要等一陣了)欣賞店內有日文歌播放(有少少氣氛,又唔會太大聲)環境佈置都好有特色😚叫野食😬我同男朋友分別叫左一鳴(叉燒 豬骨濃湯拉麵)同黑蒜。鳴(豬軟骨 豬骨濃湯配自家製黑蒜油)落單後 食物同飲品都好快黎 唔洗餓咁耐🤩呢個係「叉燒 豬骨濃湯拉麵,曲麵,軟麵質」豬骨湯底好濃味,而且配麵本來已經配埋蛋同紫菜,好豐富😇呢個係「豬軟骨 豬骨濃湯配自家製黑蒜油,普通麵質,直麵」另外再加左兩隻蛋,因為蛋真係好好味😍呢個湯底比頭先普通豬軟骨更濃味,同碗拉麵好夾,我好喜歡呢個湯底💕豬軟骨味道正常😋😚不得不推介係以上既飲品😍上面分別係「青蘋果一千零一夜」同埋「荔枝熱情果乳酸梳打」兩杯都好清新 唔會太甜😋我特別喜歡乳酸梳打果杯 因為本身中意飲益力多 同梳打味道好夾🤩兩杯都好大杯 抵飲 👍 (食完熱辣辣杯麵再配凍飲好正🤣)最後,特別要一提既係一黎到staff就俾左兩杯凍水我地真係符合日本正宗拉麵店既條件🤣(去日本食拉麵都係有凍水飲) 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-19
0 瀏覽
今日中午係大埔做完野就係附近搵野食,其實之前食過一次晚餐,諗住午餐再去食,所姒最後就尼左。原本諗住叫個maindish再加個小食,點知午市係冇小食,只有拉麵叫,所以最後只係叫左個拉麵,如果要食小食記住等晚市先好去喇!我叫左一鳴豬骨濃湯拉麵(直麵),配叉燒,另加左蛋因為好鍾意食蛋,所以加左隻蛋因為係溫泉蛋,所以都會有點膩!不過鍾意食就唔緊要啦!叉燒都幾入味,有兩大塊,不過散開左叉燒肥瘦均勻,唔韌,好軟身上次食左曲麵,諗住今次試下直麵,不過試完之後應會食番曲麵。因為曲麵口感比較好,直麵比較幼身,咬幾下就斷;曲麵就比較粗身少少,會比較有口感。一鳴拉麵同一鳴丼食堂係同一間店,只不過一間係食拉麵,一間食丼飯,所以如果大家唔想食拉麵,可以去隔尼食丼飯! 繼續閱讀
(以上食評乃用戶個人意見 , 並不代表OpenRice之觀點。)